टीम इंडियाच्या खेळाडूची महाराष्ट्राच्या या भागात सरावाला सुरुवात
कोरोना लॉकडाऊनमध्ये सराव सुरू करणारा टीम इंडियाचा पहिला खेळाडू
)
पालघर : कोरोना व्हायरसच्या लॉकडाऊनमध्ये सगळ्या क्रिकेट स्पर्धा अनिश्चित काळासाठी पुढे ढकलण्यात आल्या आहेत. कोरोनामुळे क्रिकेटपटूही मागचे जवळपास ३ महिने घरातच बसून आहेत. आता मात्र भारताचा फास्ट बॉलर शार्दूल ठाकूरने पालघरमध्ये ट्रेनिंगला सुरुवात केली आहे. मुंबई क्रिकेट असोसिएशनने याबाबत माहिती दिली आहे.
पालघरच्या जिल्हाधिकाऱ्यांनी खेळाबाबत गाईडलाईन्स दिल्या, त्यामुळे सराव सुरू करण्याचं आमचं लक्ष्य पूर्ण होतंय. पालघरमध्ये आमच्या सुविधा उपलब्ध असल्यामुळे खेळाडूंना गरजेचा असलेला सराव सुरू झाला आहे. सरावावेळी सोशल डिस्टन्सिंग आणि स्वच्छतेचे नियम पाळले जात आहेत, असं एमसीएने सांगितलं आहे.
Indian fast bowler Shardul Thakur began outdoor practice in Palghar district today, where he lives. Palghar is a non-red zone and sports activities are allowed without spectators: Mumbai Cricket Association (file pic) #COVID19 pic.twitter.com/R97cL2jT8J
— ANI (@ANI) May 23, 2020
पालघर हा रेड झोन नसलेला भाग आहे. नॉन रेड झोनमध्ये खेळाला प्रेक्षकांशिवाय परवानगी देण्यात आल्यामुळे शार्दुल ठाकूरने सरावाला सुरुवात केल्याची प्रतिक्रिया एमसीएने दिली आहे. शार्दुल ठाकूर हा पालघरमध्येच राहतो.
Once guidelines from Palghar Dist Collector was issued concerning sports, it was always the aim to begin training. Due to our fantastic facility in Palghar, we were able to facilitate much-needed training program to players while adhering to social distancing norms & hygiene: MCA https://t.co/XsL4zgEtXs
— ANI (@ANI) May 23, 2020
कोरोना व्हायरसमुळे भारत आणि दक्षिण आफ्रिका यांच्यातली वनडे सीरिज रद्द करण्यात आली. तसंच आयपीएलही अनिश्चित काळासाठी पुढे ढकलण्यात आलं आहे.