Punjab Kings vs Mumbai Indians Live Score in Marathi : मुल्लानपूरच्या महाराजा यादवेंद्र सिंग आंतरराष्ट्रीय स्टेडियमवर मुंबई इंडियन्सचा सामना पंजाब किंग्जशी होणार आहे. आत्तापर्यंत दोन्ही संघांचे सहा सामने दोन विजय आणि चार पराभवांसह समान गुण आहेत. त्यामुळे आता दोन्ही संघांना आजचा सामना जिंकणं आवश्यक आहे.
18 Apr 2024, 23:39 वाजता
मुंबईने दिलेल्या 193 धावांचा पाठलाग करताना पंजाबचे फलंदाज ढेपाळले. पंजाबने 49 ओव्हरमध्ये 5 विकेट्स गमावल्या होत्या. त्यामुळे मुंबई मोठा विजय मिळवेल, अशी शक्यता वर्तविली जात होती. मात्र आशुतोष शर्मा आणि शशांक सिंग यांनी आक्रमक खेळी करत पंजाबला सामन्यात कमबॅक करून दिलं. आशुतोष शर्माने 28 बॉलमध्ये 61 धावा केल्या. त्यात त्याने 7 फोर अन् 2 सिक्स लगावले. तर शशांकने 25 बॉलमध्ये 41 धावा कुटल्या होत्या. मात्र, अखेरीस सामना हातात असताना पंजाबच्या हातात विकेट्स उरल्या नाहीत. त्यामुळे पंजाबला सामना केवळ 9 धावांनी गमवावा लागला.
18 Apr 2024, 23:26 वाजता
सामन्यात मोठा ट्विस्ट... आशुतोष शर्माची विकेट... आशुतोष शर्माने 28 बॉलमध्ये 61 धावा केल्या. त्यात त्याने 7 फोर अन् 2 सिक्स लगावले.
18 Apr 2024, 23:09 वाजता
77 धावांवर 6 विकेट्स असताना आशुतोष शर्मा आणि शशांक सिंग यांनी आक्रमक खेळी करत पंजाबला सामन्यात कमबॅक करून दिलंय. मात्र, बुमराहने शशांकची विकेट काढली पण दुसऱ्या बाजूने आशुतोषने मोर्चा सांभाळला आहे. त्यामुळे आता पंजाबच्या आशा कायम आहेत.
18 Apr 2024, 22:19 वाजता
पंजाबची फलंदाजी ठेपाळली. हरप्रीत सिंग भाटिया 13 धावा करून बाद झाला. त्या इम्पॅक्ट प्लेयर म्हणून संघात स्थान मिळालं होतं.
18 Apr 2024, 21:55 वाजता
पंजाबचा चौथा गडी देखील बाद झालाय. लियाम लिव्हिंगस्टोन 1 धाव करून बाद झालाय. जेराल्ड कोएत्झीने त्याला तंबूत पाठवलं. त्यामुळे आता पंजाबची स्थिती 14 वर 4 गडी बाद अशी झालीये.
18 Apr 2024, 21:52 वाजता
193 धावांचं आव्हान पार करताना पंजाब किंग्जला पहिला धक्का बसला आहे. पंजाबचा सलामीवीर प्रभसिमरन सिंग पहिल्याच ओव्हरमध्ये बाद झाला. त्यानंतर जसप्रीत बुमराहने दुसऱ्याच ओव्हरमध्ये सॅम करन आणि रिली रोसो यांना तंबूत धाडलं.
18 Apr 2024, 21:26 वाजता
मुंबई इंडियन्सने सात विकेट गमवात 192 धावा केल्यात. मुंबईने पंजाबसमो विजयासाठी 193 धावांचं लक्ष ठेवलंय. मुंबईतर्फे सूर्यकुमार यादवने सर्वाधिक 78 धावा केल्या. तर रोहित शर्माने 36 आणि तिलक वर्माने 34 धावा केल्या. पंजाबतर्फे हर्षल पटेलने सर्वाधिक 3 विकेट घेतल्या. तर सॅम करनने 2 विकेट घेतल्या.
18 Apr 2024, 21:11 वाजता
मुंबई इंडियन्सला चौथा धक्का बसला आहे. कर्णधार हार्दिक पांड्या 10 धावा करुन बाद झाला. मुंबई इंडियन्सने आता 4 विकेट गमावत 168 धावा केल्या आहेत.
18 Apr 2024, 21:02 वाजता
मुंबई इंडियन्सला तिसरा धक्का बसला आहे. तुफान फटकेबाजी करणारा सूर्यकुमार यादव 78 धावांवर बाद झाला. सॅम करनने त्याची विकेट घेतली. मुंबईने आता तीन विकेटच्या मोबदल्यात 150 धावांचा टप्पा पार केलाय.
18 Apr 2024, 20:51 वाजता
मुंबई इंडियन्सने पंधराव्या षटकानंतर 130 धावांचा टप्पा पूर्ण केला आहे. सूर्यकुमार यादवने 67 धावा केल्यात. तर तिलक वर्मा 17 धावांवर खेळत आहे. मुंबई इंडियन्सने दोन विकेट गमावल्यात.