प्ले-ऑफसाठी चढाओढ, ऐन मोक्याच्या क्षणी कर्णधारच सोडून गेला SRH टीम

मुंबई : मुंबई इंडियन्सविरूद्ध झालेल्या सामन्यानंतर सनरायझर्स हैदराबादला मोठा धक्का बसला आहे. सनरायझर्स टीमचा कर्णधार केन विलियम्सन आयपीएल सोडून मायदेशी परतला आहे. सनरायझर्स हैदराबाद अधिकृत ट्विटर हँडलवरून याची माहिती देण्यात आली आहे. 

यानंतर आता आयपीएलच्या उर्वरित सामन्यांमध्ये केन विलियम्सन खेळणार नाहीये. विलियम्सन कौटुंबिक कारणामुळे आयपीएलची स्पर्धा मध्येच सोडून जाणार आहे.

सनरायझर्स हैदराबादने यासंदर्भात ट्विट केलं आहे. या ट्विटमध्ये नमूद केल्यानुसार, आमचा कर्णधार केन विलियम्सन न्यूझीलंडला परत जात आहे. लवकरच त्यांच्या कुटुंबात एक नवीन पाहुणा येणार आहे. सनरायझर्स कॅम्प केन विल्यमसन आणि कुटुंबाला खूप शुभेच्छा देतं.

Our skipper Kane Williamson is flying back to New Zealand, to usher in the latest addition to his family. 

Here's everyone at the #Riser camp wishing Kane Williamson and his wife a safe delivery and a lot of happiness!#OrangeArmy #ReadyToRise pic.twitter.com/3CFbvN60r4

— SunRisers Hyderabad (@SunRisers) May 18, 2022

सनरायझर्स हैदराबादचे 13 सामन्यांतून एकूण 12 पॉईंट्स मिळवले आहेत. मात्र त्यांचं रनरेट -0230 आहे. प्लेऑफमध्ये पोहोचण्यासाठी 22 मे रोजी त्यांचा सामना पंजाब किंग्जशी सामना होईल.