IPL 2022 मधील सर्वात महागडा खेळाडू ईशान किशनकडून, Auction दरम्यान घडलेल्या घटनेचा खुलासा
मुंबईने या लिलावात Ishan Kishan ला 15.25 कोटी रुपये मोजून आपल्या संघात घेतले. ज्यामुळे तो आयपीलमधील सगळ्यात महागडा खेळाडू ठरला आहे. ज्यामुळे सर्वत्र एकच खळबळ उडाली.
)
मुंबई : नुकतच इंडियन प्रीमियर लीग (IPL) 2022 चा मेगा लिलाव झाला. यादरम्यान अनेक खेळाडूंची अदलाबदल झाली. म्हणजेच अनेख खेळाडू आपली टीम सोडून दुसऱ्या टीममधून खेळताना आपल्याला दिसणार आहेत. आयपीएलच्या मेगा लिलावादरम्यान, मुंबई इंडियन्स (MI) ने एक उत्तम रणनीती दाखवली. मुंबईने या लिलावात Ishan Kishan ला 15.25 कोटी रुपये मोजून आपल्या संघात घेतले. ज्यामुळे तो आयपीलमधील सगळ्यात महागडा खेळाडू ठरला आहे. ज्यामुळे सर्वत्र एकच खळबळ उडाली.
याबाबात जेव्हा ईशान किशनला विचारण्यात आले, तेव्हा त्याने आपण चिंतेत असल्याचे सांगितले. परंतु सगळं काही चांगलं होऊनही ईशानला नक्की कशाची चर्चा होती? हाच प्रश्न सगळ्यांना पडला आहे.
ईशान किशन म्हणाला, "मला माहित होते की एमआय मला पुन्हा टीममध्ये घेईल. त्यामुळे काळजी करण्यासारखे काही नव्हते. परंतु वाढती किंमत ही माझ्यासाठी चिंतेची बाब होती. कारण MI ला उर्वरित संघ तयार करण्यासाठी पैसे वाचवणे आवश्यक होते. ही फक्त माझीच गोष्ट नव्हती. मला कबूल करावे लागेल, की एका मिनिटासाठी माझ्या हृदयाचे ठोके चुकले होते."
पुढे ईशान म्हणाला, "एमआयमध्ये परत येण्यामागे एक कारण होतं की ते मला चांगलं ओळखतात आणि माझा खेळ समजून घेतात. मला माझे मताधिकार आणि ते कसे कार्य करते हे माहित आहे. कारण मी या कुटुंबाचा एक भाग आहे. मला खात्री होती की मला कुठेही जायचे नाही. मी येथे चार वर्षांपासून आहे."
"आम्ही दोन ट्रॉफी जिंकल्या आहेत आणि एकमेकांसाठी नेहमी उभे राहिलो. त्यांना माझे क्रिकेट माहीत आहे आणि ते माझी काळजी घेतील हे मला माहीत आहे. म्हणूनच मला कुठेही जायचे नव्हते."
फ्राँचायझीबद्दल बोलताना पुढे इशान म्हणाला, 'फ्राँचायझी नेहमीच मदत करत आहे आणि मला पाठिंबा देत आहे. मी कधीच तक्रार करू शकत नाही. मला फक्त माझ्या खेळावर मेहनत करायची आहे. ज्या प्रकारे त्यांनी माझ्यावर विश्वास ठेवला आहे आणि माझ्या भविष्यासाठी गुंतवणूक केली आहे, मला फक्त माझा खेळ खेळायचा आहे."
इशानने गुजरात लायन्स संघाकडून आयपीएलमध्ये पदार्पण केले. त्यानंतर 2018 च्या लिलावात त्याला मुंबई इंडियन्सने 6.2 कोटी रुपयांना विकत घेतले. या फ्रँचायझीसाठी, इशान किशनने 41 डावांमध्ये 31.5 च्या सरासरीने आणि 138.5 च्या स्ट्राइक रेटने 1133 धावा केल्या. IPL 2020 मध्ये मुंबईसाठी 14 सामन्यांत 516 धावा करणारा खेळाडू होता.