Vinesh Phogat ला मेडल द्यायला हवं, पण दोन जणांना रौप्य पदक देता येणार नाही! निकालापूर्वी IOC चं मोठं विधान

IOC president Thomas Bach on Vinesh Phogat : भारतीय कुस्तीपटू विनेश फोगाट हिचा अपात्र प्रकरणात CAS (Court of Arbitration for Sports) आज निर्णय देणार आहे. विनेश फोगाट हिला सिल्वर मेडल बहाल करायचं की नाही याबद्दल ते सांगणार आहेत. अशातच आंतरराष्ट्रीय ऑलिम्पिक समिती म्हणजे IOC (IOC President) अध्यक्ष थॉमस बाक (Thomas Bach) यांनी आपलं मत मांडलंय. विनेश फोगाटबद्दल (Vinesh Phogat ) 'सहानभुती' असल्याच ते म्हणाले आहेत. पण ते असंही म्हणाले की, 'काही परिस्थितींमध्ये लहान सवलती दिल्यानंतर एखादी रेषा कुठे आखली जाणार.'

पॅरिस ऑलिम्पिकमध्ये (Paris Olympics 2024) मध्ये 29 वर्षीय विनेश 100 ग्रॅम जास्त वजनामुळे बुधवारी झालेल्या महिला कुस्तीच्या 50 किलो गटातील सुवर्णपदक लढतीतून अपात्र ठरली. त्यानंतर तिने CAS मध्ये आपल्या अपात्रतेविरुद्ध याचिका केलंय आणि निवृत्त होण्यापूर्वी तिला रौप्य पदक मिळावं अशी मागणी करण्यात आलीय. 

हेसुद्धा वाचा - Vinesh Phogat ने CAS समोर सांगितलं 100 ग्रॅम वजन वाढण्याच कारण, 'ॲथलीट्स व्हिलेजमध्ये...'

नेमकं काय म्हणाले थॉमस बाक?

आयओसीच्या पत्रकार परिषद झाली तेव्हा विनेश फोगाटबद्दल IOC (IOC President) अध्यक्ष थॉमस बाक (Thomas Bach) यांना पत्रकारांनी प्रश्न विचारलीत. तेव्हा ते म्हणाले की, 'मला त्या कुस्तीपटूबद्दल सहानुभूती आहे. हे स्पष्टपणे मानवीसंवेदनाशी जुळणारी घटना आहे.'

ते पुढे म्हणाले की, 'आता, हे प्रकरण CAS मध्ये आहे. आम्ही शेवटी CAS निर्णयाचे पालन करू. पण पुन्हा आंतरराष्ट्रीय कुस्ती महासंघाला स्वत:चं व्याख्या, स्वतःचे नियम लावावे लागतात. ही त्यांची जबाबदारी आहे. त्यानंतर एका पत्रकाराने विचारलं की, 'एका वजनी गटात दोन रौप्यपदकं मिळू शकतात का?, त्यावर बाक स्पष्ट म्हणाले की, 'नाही, जर तुम्ही अशा सर्वसाधारण पद्धतीने विचारत असाल तर. पण मला या वैयक्तिक विषयावर भाष्य करण्याची परवानगी द्या.आंतरराष्ट्रीय महासंघाच्या नियमांचे पालन केलं पाहिजं आणि आंतरराष्ट्रीय महासंघ, युनायटेड वर्ल्ड रेसलिंग (UWW) हा निर्णय घेत आहे.'

बाक म्हणाले की, '100 ग्रॅम अधिक वजन सामान्य माणसाला फारसे वाटणार नाही, मात्र अशी सूट घटनांचा मागोवा घेण्यासाठी लागू होईल का असं विचारलं, जिथे परिणाम कधीकधी सेकंदाच्या हजारव्या भागाने ठरवलं जातात. ते म्हणाले, 'फेडरेशन किंवा कोणीही असा निर्णय घेतेय हे पाहून तुम्ही कधी आणि कुठे कपात करता? तुम्ही म्हणता की 100 ग्रॅमने आम्ही देतो पण 102 (ग्रॅम) बरोबर देत नाही? 'मग तुम्ही अशा खेळांमध्ये काय करता जिथे तुमच्यात सेकंदाच्या हजारव्या भागाचा फरक असतो (ट्रॅक इव्हेंटमध्ये)... तरीही तुम्ही असे विचारविनिमय करता का?'.