भारतीय फुटबॉल चाहत्यांसाठी अत्यंत वाईट बातमी, FIFA ने AIFF ला केले निलंबित

लंडन : FIFA Suspends AIFF: भारतीय फुटबॉल चाहत्यांसाठी एक वाईट बातमी समोर आली आहे. फुटबॉलची सर्वोच्च संस्था फिफाने अखिल भारतीय फुटबॉल महासंघाचे निलंबन केले आहे. हा निर्णय तात्काळ लागू होणार आहे. गेल्या काही दिवसांपासून भारतीय फुटबॉलमध्ये सर्व काही आलबेल सुरु होते. आता फिफाच्या या निर्णयाने चाहत्यांना मोठा धक्का बसला आहे.

फिफाने केले निलंबित 

फुटबॉलची प्रमुख संस्था FIFA ने अखिल भारतीय फुटबॉल महासंघाला (AIFF) त्रयस्थ पक्षांशी संगनमत करुन आणि देशातील फुटबॉल ऑपरेशन्सवर परिणाम करण्यासाठी तत्काळ प्रभावाने निलंबित करण्याचा निर्णय घेतला आहे. हे निलंबन दीर्घकाळापासून सुरू होते आणि फिफाने सांगितले की एआयएफएफवर बंदी घालण्याचा निर्णय सर्वानुमते घेण्यात आला आहे. FIDE च्या निलंबनामुळे, भारत यापुढे कोणताही आंतरराष्ट्रीय सामना खेळू शकणार नाही किंवा कोणत्याही स्पर्धेत भाग घेऊ शकणार नाही. 

नियमांचे उल्लंघन नोंदवले 

FIFA ने आपल्या निवेदनात म्हटले आहे की, FIFA परिषदेच्या ब्युरोने एकमताने एक तृतीयांश बहुमताने आवाजी मताने अखिल भारतीय फुटबॉल महासंघला (AIFF) तात्काळ निलंबित करण्याचा निर्णय घेतला आहे. जे फिफाच्या नियमांचे गंभीर उल्लंघन आहे. नियमांचे उल्लंघन केल्यानेच हा कठोर निर्णय घेण्यात आला आहे. वास्तविक, सर्वोच्च न्यायालयाने एआयएफएफमधील अनियमितता लक्षात घेऊन निवडणुका घेण्याचे निर्देश दिले होते. यानंतर फिफाने हे कठोर पाऊल उचलले आहे. 

FIFA suspends All India Football Federation

Read @ANI Story | https://t.co/IPoM5AOoQh#BreakingNews #FIFA #AIFF pic.twitter.com/hrxBI6uONL

— ANI Digital (@ani_digital) August 16, 2022

17 वर्षांखालील विश्वचषक होणार नाही 

या निलंबनामुळे यंदा भारतात होणाऱ्या अंडर-19 महिला विश्वचषकावरही अंधाराचे ढग दाटले आहेत. आता 17 वर्षांखालील विश्वचषक आयोजित केला जाणार नाही. हा विश्वचषक 11 ते 30 ऑक्टोबर दरम्यान होणार होता. त्यामुळे चाहत्यांमध्ये निराशा पसरली आहे.