31 ऑगस्टपासून या राशींवर असेल शुक्राची कृपा, कोणत्या स्थानात काय फळ देणार? जाणून घ्या

Shukra Grah Gochar: ज्योतिषशास्त्रात ग्रहांच्या गोचराला विशेष महत्त्व आहे. प्रत्येक ग्रह ठरावीक कालावधीनंतर राशी बदल करतो. त्यामुळे ग्रहाचं गोचर 12 स्थानात कुठे झालं आहे? यावरून गणितं मांडली जातात. तीन दिवसानंतर म्हणजेच 31 ऑगस्ट 2022 रोजी शुक्र ग्रह सिंह राशीत प्रवेश करणार आहे. शुक्र ग्रह धन, सुख-सुविधा, प्रेम यांचा कारक असल्याने यावर प्रभाव पडतो. शुक्र ग्रह सिंह राशीत प्रवेश करणार असल्याने तीन राशींना विशेष फायदा मिळेल. जाणून घेऊयात या तीन राशी कोणत्या आहेत.

तूळ: या राशीच्या लोकांसाठी शुक्राचे संक्रमण शुभ राहील. या लोकांच्या उत्पन्नात लक्षणीय वाढ होईल. करिअरमध्ये तुम्हाला मोठे यश मिळू शकते. विशेषत: जे चित्रपट, माध्यम आणि ग्लॅमर या क्षेत्रांशी निगडीत आहेत, त्यांना खूप फायदा होईल. नवीन नोकरी मिळेल. प्रतिष्ठा आणि पैशाची तुम्ही खूप दिवसांपासून वाट पाहत होता, ते तुम्हाला मिळेल.

कर्क: शुक्राच्या राशीतील बदलामुळे कर्क राशीच्या लोकांना खूप फायदा होईल. त्यांना अनपेक्षित पैसे मिळतील. अडकलेले पैसे तुम्हाला मिळतील. भाषणाच्या जोरावर कामे होतील. व्यापाऱ्यांना मोठी ऑर्डर मिळू शकते. हा काळ भरपूर पैसा आणेल.

वृश्चिक: सिंह राशीतील शुक्राचे संक्रमण वृश्चिक राशीच्या लोकांसाठी फलदायी ठरेल.  करिअरमध्ये मोठे यश मिळू शकते. या काळात प्रगती होण्याची दाट शक्यता आहे. व्यावसायिकांसाठीही हा काळ खूप फायदेशीर आहे. नफा वाढेल, व्यवसायाचा विस्तार होईल. नवीन संपर्क लाभतील. कामात सुधारणा होईल.

(Disclaimer: येथे दिलेली माहिती सामान्य गृहीतके आणि माहितीवर आधारित आहे. ZEE 24 TAAS त्याची पुष्टी करत नाही.)