जन्माष्टमीचा दिवस 5 राशींसाठी अतिशय शुभ, ती भाग्यवान व्यक्ती तुम्ही तर नाही ना?

Janmashtami Horoscope in Marathi : जन्माष्टमीचा दिवस अतिशय शुभ मानला जातो. यंदा हा दिवस सोमवारी 26 ऑगस्ट रोजी साजरा केला जात आहे. श्रीकृष्णाचा जन्म या दिवशी झाला असून रात्री 12 वाजता हा सण साजरा केला जातो. आजच्या दिवशी नशिबाची चांगली साथ असेल तसेच कार्यात यश मिळेल, आरोग्य चांगले राहिल, धनलाभ होईल. त्यामुळे हा दिवस 5 राशींसाठी अतिशय खास आहे. 

मेष 

मेष राशीच्या लोकांचे खूप दिवसांपासून रखडलेली सगळी कामे पूर्ण होतील. अचानक धन लाभ होईल. जन्माष्टमीच्या 5 राशींमध्ये मेष राशीचा समावेश आहे. या दिवशी तुमची आर्थिक स्थिती मजबूत असेल. तुम्ही कोणतीही गुंतवणूक कराल तर भविष्यात तुम्हाला चांगला नफा मिळू शकेल. तुम्ही तुमच्या कामात कितीही मेहनत आणि मेहनत कराल, तुम्हाला सकारात्मक परिणाम मिळतील. लव्ह लाईफसाठी दिवस अनुकूल राहील. जोडीदारासोबत चांगला वेळ जाईल. तुमचे आरोग्यही चांगले राहील.

वृषभ

वृषभ राशीचे लोक आपल्या सगळ्यांची मन जिंकण्यात यशस्वी होतील. विवाह संबंधाशी निगडित आनंदाची बातमी मिळेल. दहावी आणि बारावीच्या विद्यार्थ्यांनी अभ्यासाकडे विशेष लक्ष द्यावं. वृषभ राशीच्या महिलांनी आरोग्याची विशेष काळजी घ्या. विवाहित जोडप्याला गोड बातमी ऐकायला मिळेल. 

मिथुन 

मिथुन राशीच्या लोकांसाठी आठवडा महत्त्वाचा आहे. या आठवड्यात तुम्हाला महत्त्वाच्या गोष्टी कानावर पडतील. अधिक मेहनत घ्यावी लागेल. पालकांच्या आरोग्याची विशेष काळजी घ्या. तुमचा दिवस अत्यंत महत्त्वाचा आहे. धावपळ होईल पण आरोग्याची विशेष काळजी घ्या. 

कर्क 

कर्क राशीच्या लोकांनी आजचा दिवस श्रीकृष्णाच्या नामस्मरणात काढावा. कारण तो दिवस तुम्हाला आनंद देऊन जाईल. तसेच रखडलेली कामे पूर्ण होतील. लग्नाचा विचार करणाऱ्या तरुणांसाठी हा दिवस महत्त्वाचा ठरेल. 

सिंह

सिंह राशीच्या लोकांसाठी जन्माष्टमीचा दिवस खूप चांगला राहील. त्या दिवशी तुमचे मनोबल वाढेल आणि तुम्ही आत्मविश्वासाने परिपूर्ण असाल. या दिवशी तुम्हाला अचानक आर्थिक लाभ होऊ शकतो. या दिवशी मालमत्तेतील गुंतवणूक तुमच्यासाठी फायदेशीर ठरू शकते. व्यवसाय करणाऱ्या लोकांसाठीही हा दिवस चांगला राहील. तुम्ही तुमच्या कामाचा विस्तार करू शकता आणि तुमच्या योजना यशस्वी होऊ शकतात. कुटुंबात सुख-शांती नांदेल. शैक्षणिक स्पर्धांशी संबंधित लोकांसाठी काळ अनुकूल राहील. तुम्हाला यश मिळेल. मनाला भटकण्यापासून थांबवा. सिंह राशीच्या लोकांना मान-सन्मान मिळेल. रखडलेली सर्व कामे मार्गास लागतील. हा दिवस प्रत्येकासाठी अनुकूल असेल. 

कन्या 

कन्या राशीच्या लोकांना आजचा दिवस चढ-उताराचा असेल. आजच्या दिवशी तुम्ही विशेष काळजी घ्या. तब्बेत बिघडण्याची दाट शक्यता आहे. एवढंच नव्हे तर मोठे प्रश्न, अडचणी निर्माण होतील. श्रीकृष्णाच्या स्मरणात राहा. तुम्हाला नक्की बळ मिळेल. बाळगोपाळाचा जन्म साजरा करा. 

तूळ 

तूळ राशीच्या लोकांना आजचा दिवश विशेष लक्षात राहिल. जुन्या गाठी भेटी होतील. मनाला प्रसन्न वाटेल. नातेसंबंध सुधारतील. धनलाभ होण्याचा आजचा दिवस आहे. 

वृश्चिक 

वृश्चिक राशीच्या लोकांनी आपल्या कामाकडे लक्ष द्या. कारण डोकेदुखी वाढू शकता. मुलांकडे विशेष लक्ष द्या. बोर्डाच्या परिक्षेतील मुलांनी आता तरी अभ्यासाला लागा, अशी स्थिती आहे. बहिणींसाठी आजचा दिवस खास आहे. 

धनु

जन्माष्टमीचा दिवस तुमच्या राशीसाठीही सकारात्मक परिणाम देणारा आहे. करिअरच्या दृष्टिकोनातून हा दिवस तुमच्यासाठी चांगला राहील. तुम्ही तुमच्या कामाचा प्रभाव पाडाल, ज्यामुळे लोकांची विचारसरणी बदलेल. वरिष्ठ अधिकारी तुमच्या कामाची प्रशंसा करतील. काही नवीन काम सुरू करायचे असेल तर जन्माष्टमीचा दिवस शुभ राहील. त्यात तुम्ही यशस्वी होऊ शकता. तुमचे अडकलेले पैसे मिळू शकतात, ज्यामुळे तुमची आर्थिक स्थिती सुधारू शकते. तुमच्या आहाराकडे लक्ष द्या, त्यामुळे तुमचे आरोग्य चांगले राहील.

मकर 

मकर राशीच्या लोकांनी विशेष काळजी घ्या. तुम्हाला पत्नीची साथ लाभेल. कोणताही आठमूठेपणा न करता ही मदत स्विकारा. अहंकार बाजूला सारा. कारण हाच तुमचा घात करु शकता. 20 वर्षांच्या तरुणांसाठी आजचा दिवस खास असेल. यश मिळेल. 

कुंभ 

कुंभ राशीच्या लोकांवर श्रीकृष्णाची विशेष कृपा राहिल. तुम्हाला व्यवसायात नफा मिळविण्याची संधी मिळेल, तर नोकरदार लोकांना नवीन नोकरीची ऑफर मिळू शकते. त्या दिवशी तुम्ही तुमच्या करिअरमध्ये कितीही मेहनत कराल, तर तुम्हाला सकारात्मक परिणाम मिळू शकतात. कर्ज फेडण्यात यश मिळेल. व्यवसाय करणाऱ्यांना काही चांगले सौदे मिळू शकतात. कामाच्या ठिकाणी तुमचा प्रभाव चांगला राहील. कौटुंबिक आणि सामाजिक जीवन आनंददायी राहील. सुख-शांती लाभेल. घरामध्ये शुभ कार्य करता येईल.

मीन 

मीन राशीच्या लोकांसाठी आजचा दिवस अत्यंत महत्त्वाचा आहे. धार्मिक विधीमध्ये लक्ष राहिल. कामाधंद्यात यश, पैसा, किर्ती, ऐश्वर्य सगळंच मिळेल. 

( Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )​