मुख्यमंत्री एकनाथ शिंदे यांच्यासह या 16 आमदारांवर अपात्रतेची टांगती तलवार? शिंदे-फडणवीस सरकारचं भवितव्य काय?

Maharashtra Politics: राज्यातील शिंदे-फडणवीस सरकारचं भवितव्य याच आठवड्यात निश्चित होण्याची शक्यता आहे. कारण महाराष्ट्रातील सत्तासंघर्ष आणि शिंदे गटाच्या 16 आमदारांची अपात्रता याबाबतच्या खटल्याचा निकाल सुप्रीम कोर्टात येत्या तीन ते चार दिवसांत देणार आहे. मुख्यमंत्री एकनाथ शिंदे यांच्यासह या 16 आमदरांवर अपात्रतेची टांगती तलवार आहे.  महाराष्ट्राच्या राजकारणाला कलाटणी देणारा असा हा निकाल असणाराय. शिवसेनेतली फूट घटनात्मकदृष्ट्या वैध की अवैध? मुख्यमंत्र्यांसह त्यांचे 16 सहकारी अपात्रतेच्या कारवाईतून वाचणार की नाहीत? सरकारला धोका आहे की नाही? या सगळ्या प्रश्नांची उत्तरं निकालात मिळणार आहेत