'जिओनी'चा १०० मेगापिक्सलचा कॅमेरा असलेला स्मार्टफोन

नवी दिल्ली : चीनची स्मार्टफोन निर्माती कंपनी जिओनी आता एक असा स्मार्टफोन घेऊन येतेय ज्यामध्ये १०० मेगापिक्सलचा कॅमेरा असेल. 

मिळालेल्या माहितीनुसार, कंपनीनं या फोनला 'जिओनी एलाइफ ई-८' असं नाव दिलंय. ४१ मेगापिक्सल कॅमेरा असलेल्या नोकियाच्या ल्युमिया १०२० स्मार्टफोनहून हा स्मार्टफोन दुप्पटीनं चांगला असेल, असा दावा केला जातोय. 

'जिओनी एलाइफ ई-८'मध्ये कॅमेरा २३ मेगापिक्सलचा आहे. परंतु, यामध्ये लॉसलॅस ज्युम सेन्सर टेक्नॉलॉजी देण्यात आलीय. या टेक्नॉलॉजीमुळे १०० मेगापिक्सल क्वॉलिटीचा फोटो आणि ४-के क्वॉलिटीचा व्हिडिओ शूट करता येऊ शकेल. हा स्मार्टफोन लवकरच बाजारात उतरवण्यात येईल, असं समजतंय. 

'जिओनी एलाइफ ई-८'चे फिचर्स... 

• ४.६ इंचाची १४४० X २५६० पिक्सल स्क्रीन

• २ गीगाहर्टझ ऑक्टाकोर प्रोसेसर

• ३ जीबी रॅम

• ३२ जीबी इंटरनल मेमरी

• ३२ मेगापिक्सल कॅमेरा

• फिंगर प्रिंट सेन्सर

• मेटल फ्रेम

• ३५२० मेगाहर्टझ बॅटरी

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.