२००५ पूर्वीच्या नोटा बदलण्याची तारीख पुन्हा वाढविली

मुंबई : आपल्याकडे २००५ पूर्वीच्या जुन्या नोटा असल्यास त्या लवकरात लवकर बदलून घ्या, असे रिझर्व्ह बॅंकेने आवाहन केले होते. त्यासाठी ३० जून ही अंतिम तारीख दिली होती. आता नोटा बदलण्याासाठी ३१ डिसेंबर २०१५ ही तारीख दिली आहे.

रिझर्व्ह बॅंकेने डिसेंबर २०१४मध्ये सांगितले होते की, ३० जून २०१५ पर्यंत नोटा बदलता येतील. मात्र, जुन्या नोटा बदलण्यासाठी पुन्हा तारीख वाढवून देण्यात आली आहे.

२००५च्या आधीच्या सर्व नोटा बाजारातून बाद करण्यात येणार आहेत. यामध्ये ५०० आणि १००० च्या नोटांचाही समावेश आहे. सुरक्षेच्या कारणामुळं आणि बनावट नोटांना आळा घालण्यासाठी रिझर्व्ह बँकेकडून २००५ पूर्वीच्या सर्व नोटा व्यवहारातून बाद केल्या जाणार आहेत. त्यामुळं लोकांनी आपल्याकडील या सर्व नोटा बँकेच्या माध्यमातून बदलून घ्याव्यात, असं आवाहन 'आरबीआय'कडून करण्यात आलं होतं. 

याची शेवटची तारीख १ जानेवारी होती, मात्र त्यानंतर त्यामध्ये वाढ करण्यात आली. त्यानंतर ३० जून तारीख देण्यात आली होती. आता नोटा बदलून घेण्याची अंतिम तारिख डिसेंबर २०१५ ही असून त्यापूर्वी लोकांनी आपल्याकडील नोटा बँक खात्यात जमा कराव्यात, अथवा त्या बँक शाखांकडून बदलून घ्याव्यात असे 'आरबीआय'नं सांगितलंय. 

नोटांची ओळख 
२००५ पूर्वीच्या नोटांवर त्यांच्या छपाईची तारीख देण्यात आली नाही. त्यामुळं नोटांच्या पाठीमागे त्याची छपाई तारीख नसल्यास अशा नोटा संबंधित बँक खात्यांकडे जमा कराव्यात अथवा त्या बदलून घ्याव्यात, असं आवाहन 'आरबीआय'नं लोकांना केलंय.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

*  झी २४ तासला ट्विटरवर फोलो करा.