पिंपरी-चिंचवडच्या लौकीकात भर टाकणारा हँगिंग ब्रीज चोरीला, फोटो वायरल

कैलास पुरी, झी मीडिया, पिंपरी चिंचवड: पिंपरी चिंचवड शहराच्या लौकीकात भर टाकणारा हँगिंग ब्रीज चोरीला गेला.. ऐकून आश्चर्य वाटलं ना.. खरंच ब्रीज कसा चोरीला जाईल... पण पाहा हा नक्की काय प्रकार झाला तो... 

पिंपरी चिंचवडचा हा हँगिंग ब्रीज... मात्र काल अचानक हा ब्रीज चोरीला गेला... अहो तसा फोटोच चक्क व्हॉट्स अॅपवर फिरायला लागले... काही तरूण हा ब्रीज उचलून घेऊन जात आहेत, असं या फोटोतून दिसायला लागलं. प्रत्येकाच्या व्हॉट्स अॅपवर हा फोटो फिरायला लागल्यावर पिंपरी चिंचवडकरांनीही खरंच ब्रीज चोरीला गेला की काय पाहायला गर्दी केली. 

व्हॉट्सअॅप, फेसबूकवरून रोज विविध जोक्स, मेसेजेस व्हायरल होतात. मात्र असा ब्रीज चोरीला जाण्यासारखी घटना अॅनिमेट करून वाऱ्यासारखी पसरल्यावर पिंपरी चिंचवडकरही खरोखर त्याला फसले... मात्र प्रत्यक्षात तसं काही नसतं हे या तरूणांनी दाखवून दिलंय. काळजी करू नका... हँगिंग ब्रीज आहे त्या जागीच आहे.

पाहा व्हिडिओ -

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.