पुण्यात १ लिटर सापाचं विष जप्त

पुणे : विक्रीसाठी आणलेलं १ लिटर सापाचं विष पोलिसांनी जप्त केलंय. या विषाची आंतरराष्ट्रीय बाजारातील किंमत सुमारे २ कोटी रुपये इतकी आहे. स्वारगेट परिसरात सापळा रचून पोलिसांनी ही कारवाई केलीय. या प्रकरणी सुनील हिरेमठ, पांडुरंग पाटील, कृष्णा कुंभार, चंद्रकांत लोहार, प्रकाश सुतार यांना पुण्यातून तर प्रवीण पाटील आणि समत फणीबंद यांना कोल्हापुरातल्या चंदगडमधून अटक करण्यात आली आहे.

हे सगळे आरोपी कोल्हापूर तसेच बेळगाव परिसरातील आहेत. त्यांची आंतरराज्यीय टोळी कार्यरत असण्याची शक्यता आहे. पण हे विष कशासाठी आणलं गेलं होतं. याबाबत पोलीस अधिक चौकशी करत आहेत.