शाहरूखनं दिला टि्वटरवरील चाहत्यांसाठी 'ऑडिओ मॅसेज'

मुंबई: बॉलिवूड सुपरस्टार शाहरूख खाननं टि्वटरवर एक कोटी चाहत्यांचा आकडा पार केला असून, टि्वटरवरील आपल्या या चाहात्यांचे आभार मानण्यासाठी शाहरूखनं पहिल्यांदाच 'ऑडिओ टि्वट'चा वापर केला. या उपक्रमास चांगला प्रतिसाद मिळाल्यास 'व्हॉईस ब्लॉगिंग' सुरू करण्याचा मनोदय त्यानं व्यक्त केला.

टि्वटरवरील आपल्या 'व्हईस मॅसेज'मध्ये शाहरूख म्हणतो, असं पहिल्यांदाच होत आहे की तुम्ही मला टि्वटरवर ऐकत आहात. टि्वटरवर एक कोटींपेक्षा जास्त फॉलोअर्सचा आकडा पार करत, माझ्यावर तुम्ही केलेल्या प्रेमाच्या वर्षावासाठी तुमचे मनापासून आभार. माझं तुमच्यावर खूप प्रेम आहे. टि्वटरवर एक कोटी सोळा लाखापेक्षा जास्त चाहते असलेले बॉलिवूडचे माहानायक अमिताभ बच्चन टि्वटर फॉलोअर्सच्या संख्येत शाहरूखच्या पुढे आहेत.

शाहरूखनं पहिल्यांदाच टि्वटरवरून चाहात्यांसाठी 'व्हॉईस मॅसेज' पोस्ट केला असून, या उपक्रमास चाहत्यांकडून चांगला प्रतिसाद मिळाल्यास 'व्हॉईस ब्लॉगिंग' सुरू करण्याचा त्याचा विचार आहे.

http://t.co/3koc4uTeX1

— Shah Rukh Khan (@iamsrk) November 23, 2014

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.