सलमानला बदलायचा होता 'हम दिल दे चुके सनम'चा क्लायमॅक्स

मुंबई: संजय लीला भन्सालींचा हम दिल दे चुके सनमनं बॉक्स ऑफीसवर अनेक रेकॉर्ड केले. सलमान खान, ऐश्वर्या आणि अजय देवगनचा क्लायमॅक्सचा सीन तर सगळ्यांच्याच कायम लक्षात राहिल. पण हाच क्लायमॅक्स सलमानला बदलायचा होता. त्यासाठी त्यानं संजय लीला भन्सालींना पटवण्याचाही प्रयत्न केला. 
हम दिल दे चुके सनममध्ये ऐश्वर्या शेवटी अजय देवगनबरोबरच राहते, पण शेवटी ऐश्वर्या आपल्यासोबतच असावी, अशी सलमानची इच्छा होती. हा क्लायमॅक्स बदलण्यासाठी सलमाननं सुरज बरजातीयांना भन्सालींकडे शब्द टाकायलाही सांगितलं होतं. पण भन्सालींनी मात्र हम दिल दे चुके सनमचा क्लायमॅक्स आहे तोच ठेवला.