आशा भोसलेंचा स्टेज शो ला अलविदा

मुंबई : प्रसिद्ध गायिका आशा भोसले या आता कोणताही स्टेज शो करणार नाहीत. स्टेज शो न करण्याचा मोठा निर्णय आशा भोसलेंनी घेतला आहे. मी आता 83 वर्षांची झाली आहे, त्यामुळे मी अमेरिकेतच काय पण कुठेही स्टेज शो करणार नाही अशी प्रतिक्रिया त्यांनी दिली आहे. 

आशा भोसले यांनी रेडिफ डॉट कॉमला दिलेल्या मुलाखतीमध्ये हे सांगितलं आहे. आशा भोसलेंनी आत्तापर्यंत जगभरातल्या वेगवेगळ्या देशांमध्ये स्टेज शो केले होते. त्यांच्या या स्टेज शोला जगभरातून मोठ्या प्रमाणावर प्रतिसादही मिळत होता.