रोहित पवार यांनी याबाबतीत केलं मोदी सरकारचं कौतुक
रोहित पवार यांच्याकडून मोदी सरकारचं कौतुक तर राज्यातील भाजप नेत्यांवर टीका
)
मुंबई : राष्ट्रवादीचे नेते आणि आमदार रोहित पवार यांनी केंद्र सरकारच्या इथेनॉल क्षेत्रांतील कामाबद्दल कौतुक केलं आहे. सौर ऊर्जा, इथेनॉल यासारख्या क्षेत्रांत केलेलं काम हे निश्चितच उल्लेखनीय आहे. असं रोहित पवार यांनी म्हटलं आहे. रोहित पवार यांनी ट्विट करत हे विधान केलं आहे.
गेल्या काही वर्षात पंतप्रधान @narendramodi जी यांच्या नेतृत्वाखाली देशाने सौर ऊर्जा, इथेनॉल यासारख्या क्षेत्रांत केलेलं काम हे निश्चितच उल्लेखनीय आहे. याबाबत केंद्र सरकारचं कौतुक करायलाच हवं. देशातील वाढत्या प्रदूषणाला आळा घालण्यासाठीही असंच काम होईल, असा विश्वास आहे. pic.twitter.com/LaS50UG6u1
— Rohit Pawar (@RRPSpeaks) November 22, 2020
तसंच रोहित पवार यांनी पंतप्रधान मोदी यांनी जी-२० परिषदेत कोरोना विरुद्ध कृती करण्याच्या आवाहनावर देखील आनंद व्यक्त केला. पण त्याच वेळी राज्यातील भाजप नेत्यांना देखील टोला लगावला. दुसऱ्या ट्विटमध्ये त्यांनी याबाबत विधान केलं.
तसंच कोरोना हे दुसऱ्या महायुद्धानंतरचं जगापुढचं सर्वात मोठं आव्हान असून याविरोधात निर्णायक कृती करण्याचं आवाहन मोदीजींनी #G20Summit परिषदेत जागतिक नेत्यांना केल्याने आनंद वाटला.त्यांनी या संकटाची जाणीव भाजपच्या राज्यातील नेत्यांनाही करुन दिली तर ते या संकटाचा राजकीय खेळ थांबवतील pic.twitter.com/qVKZikUKpJ
— Rohit Pawar (@RRPSpeaks) November 22, 2020