ऐन दिवाळीत नवी मुंबईत मोठी दुर्घटना.... पुलाचा भाग कोसळून एकाचा मृत्यू, 5 जखमी

स्वाती नाईक, झी 24 तास, नवी मुंबई: राज्यासह देशभरात दिवाळीचा उत्साह आहे. याच दरम्यान एक मोठी दुर्घटना नवी मुंबईमध्ये घडली आहे. उरण-पनवेल मार्गावरीलबांधकाम सुरू असलेल्या पुलाचा भाग कोसळून मोठी दुर्घटना घडली आहे. मिळालेल्या माहितीनुसार या दुर्घटनेमध्ये 5 जण जखमी झाले आहेत. 

उरण-पनवेल मार्गावरील जासईनजीक गर्डर कोसळल्याची माहिती मिळाली आहे. पुलाच्या बांधकामातील लोखंडी सांगाडा कोसळला असल्याचं सांगितलं जात आहे. दरम्यान या दुर्घटनेत जखमी झालेल्या लोकांना रुग्णालयात उपचारासाठी दाखल करण्यात आलं आहे. एकाची प्रकृती गंभीर असल्याची माहिती मिळाली आहे.एकाचा मृत्यू झाल्याची माहिती मिळाली आहे. 

उरण - पनवेल मार्गावर बांधकाम सुरू असलेल्या पुलाचा गर्डर कोसळला आहे. एकीकडे दिवाळीचा उत्साह सुरू असताना दुसरीकडे मात्र ही मोठी दुर्घटना घडली आहे. सगळीकडे दिवाळीचा उत्साह असताना ही मोठी दुर्घटना घडली आहे.