भांडुप उड्डाणपूलावर कार आणि कंटेनरची धडक

मुंबई : भांडुप उड्डाणपूलावर कार आणि कंटेनरची धडक झाल्याची दुर्देवी घटना समोर येत आहे. या भीषण अपघातात दोघांचा मृत्यू झाला असून तीन गंभीर जखमी झाल्याचेही समजतेय. पोलीस याप्रकरणी अधिक तपास करीत आहेत. प्राथमिक अहवालानुसार कार चालकाचं नियंत्रण सुटल्याने दुर्घटना घडल्याचे सांगण्यात येत आहे. अपघातातील जखमींवर फोर्टिस रुग्णालयात उपचार सुरू आहेत.

चालकाची पकड सुटली 

सकाळी 6:30 ते 6:45 च्या दरम्यान ही दुर्देवी घटना घडली. भांडुप उड्डाणपूलावर जाणारी कार समोरून येणाऱ्या कंटेनरला धडकली.  होंडा सिटी गाडी ठाण्याच्या दिशेने जात असताना वाहनचालकांचे गाडीवरची पकड सुटल्यामुळे गाडी दुसऱ्या बाजूला जाऊन विरुद्ध दिशेने येणाऱ्या कंटेनरला धडकली.  MH04 HU 0072 असा अपघातग्रस्त गाडीचा क्रमांक आहे.