आनंद महिंद्रा यांनी केलं मुंबई पोलिसांचे कौतुक; म्हणाले, "हवामान कितीही...."

महिंद्रा कंपनीचे चेअरमन आनंद महिंद्रा (Anand Mahindra) नेहमीच त्यांच्या फॉलोअर्सना प्रेरित (Inspire) करण्याचा प्रयत्न करतात. आनंद महिंद्रा हे कधी जुगाडचे व्हिडिओ शेअर करतात तर कधी प्रेरणादायी गोष्टीं त्यांच्या ट्विटर हँडलवरून शेअर करत असतात. इतकंच नाही तर महिंद्र त्यांच्या फॉलोअर्सना प्रत्युत्तरही देत असतात. 

यावेळी एका फोटोग्राफरने (Photographer) आपल्या कौशल्याने  (Photography Skills)  आनंद महिंद्राचे मन जिंकलं आहे आणि त्याने काढलेले फोटो पोस्ट करण्यास भाग पाडलं

आनंद महिंद्रा यांनी ट्विटरवर एका फोटोग्राफरच्या (Photographer) फोटोग्राफीचे कौशल्य लोकांसोबत शेअर केलं आहे. या फोटोंमध्ये फोटोग्राफरने मुंबई पोलीस मुसळधार पावसातही कर्तव्य बजावताना कैद केले आहेत. 

मुंबई पोलिसांचे कौतुक

या ट्विटमध्ये आनंद महिंद्रा यांनी फोटोग्राफरला (Photographer) टॅग करत म्हटले आहे की, ही आश्चर्यकारक छायाचित्रे,  या 'शहरी सैनिकां'चे कार्य अधोरेखित करतात जे आपले कर्तव्य बजावत असतात. हवामान कितीही खराब असले तरीही आपण त्यांना हलक्यात घेतो. 

Very evocative photos @ompsyram They highlight the lonely task of these ‘urban soldiers’ who steadfastly perform their duties, no matter how uncomfortable the weather… And we take them for granted. https://t.co/SqHRZlbQyT

— anand mahindra (@anandmahindra) September 16, 2022

हे ट्विट जोरात व्हायरल होत असून लोकांचे याकडे लक्ष वेधले जात आहे. हा फोटो आतापर्यंत हजारो लोकांनी लाइक केला आहे. आनंद महिंद्रा यांचे ट्विट अनेकांनी रिट्विटही केले आहे. कमेंट सेक्शनमध्येही लोक वेगवेगळ्या प्रतिक्रिया दिल्या आहेत.