रायगड जिल्ह्यात पुन्हा अवकाळी पावसाला सुरुवात
रायगड (Raigad) जिल्ह्याच्या सर्वच भागात आज पहाटेपासूनच पावसाने हजेरी (Rain) लावली आहे. सकाळी थोडी उसंत घेतलेल्या पावसाने पुन्हा ७.४० वाजल्यापासून सुरुवात केली आहे.
)
प्रफुल्ल पवार / अलिबाग : रायगड (Raigad) जिल्ह्याच्या सर्वच भागात आज पहाटेपासूनच पावसाने हजेरी (Rain) लावली आहे. सकाळी थोडी उसंत घेतलेल्या पावसाने पुन्हा ७.४० वाजल्यापासून सुरुवात केली आहे. त्यामुळे शेतकरी चिंतेत आहे. तसेच हातचे आंबा पिक जाण्याची भीती आंबा बागायतदारांनी व्यक्त केली आहे. जिल्ह्यात सर्वच तालुक्यात अवकाळी पाऊस पडत आहे.
मुंबई आणी आजूबाजूच्या परीसरात रात्री,पहाटे पावसाच्या हलक्या सरी, काही ठीकाणी तुरळक.
रायगड, ठाणे पालघर येथे हलक्या सरी
Low pressure area in SE & adjoining SW Arabian Sea; cloudy weather ovr west coast,over N Konkan.Light Drizzle reported. Today mainly cloudy sky,but no threat pl pic.twitter.com/QEV33casUX— K S Hosalikar (@Hosalikar_KS) December 11, 2020
रायगड जिल्ह्यात आज पहाटे ५ वाजण्याच्या सुमारास चांगला पाऊस झाला. जिल्ह्याच्या पोलादपूर ते अलिबाग सर्वच भागात पावसाच्या हलक्या सरी बरसल्या. अलिबाग , महाड , म्हसळा , पेण , खोपोली , माणगाव , रोहा , मुरुड या भागात पहाटेच्या सुमारास जोरदार पाऊस झाली . काही भागात ढगांच्या गडगडाटासह पाऊस बरसला.
सध्या रिमझिम पाऊस सुरू आहे. मागील दोन दिवसांपासून जिल्ह्यात ढगाळ वातावरण आहे. अरबी समुद्रात कमी दाबाचा पट्टा निर्माण झाल्याने वातावरणात बदल झाला. या अवकाळी पावसाचा आंबा पिकावर परिणाम होण्याची भीती व्यक्त होत आहे.