दिलासादायक! राज्यात कोरोना रुग्णांमध्ये विक्रमी घट, 15 हजार 77 नव्या रुग्णांचं निदान
राज्यात गेल्या 24 तासात 33 हजार रुग्णांनी कोरोनावर मात केली आहे.
)
मुंबई : कोरोनाच्या पॉझिटिव्ह वातावरणात राज्यातील जनतेसाठी खऱ्या अर्थाने पॉझिटिव्ह बातमी आहे. गेल्या काही दिवसांपासून सातत्याने राज्यातील कोरोना रुग्णांमध्ये कमालीची घसरण पाहायला मिळतेय. महाराष्ट्रात गेल्या 24 तासांमध्ये 15 हजार 77 नव्या कोरोना रुग्णांचं निदान झालं आहे. तर 33 हजार रुग्णांनी कोरोनावर मात केली आहे. कोरोनामुळे दुर्देवाने 184 जणांचा मृत्यू झाला आहे. तसेच आतापर्यंत एकूण 53 लाख 95 हजार 370 रुग्णांना दवाखान्यातून घरी पाठवण्यात आले आहे. राज्यातील एकूण सक्रीय रुग्णांचा आकडा हा 2 लाख 53 हजार 367 इतका आहे. तर रुग्ण बरे होण्याचा दर हा 93.88 इतका झाला आहे. (today 31 may 2021 15077 patients have been tested corona positive in maharashtra state)
राज्यात आज 15,077 कोरोना बाधीत रुग्णांची वाढ झाली व आज नवीन 33,000 कोरोना बाधित रुग्ण बरे झाले आहेत. एकूण 53,95,370 रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 2,53,367 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 93.88% झाले आहे. pic.twitter.com/xk69KXg61T
— Rajesh Tope (@rajeshtope11) May 31, 2021
मुंबईतील रुग्णसंख्येत घट
राजधानी मुंबईत कोरोनाच्या दुसऱ्या लाटेत 10 हजारांपेक्षा अधिक रुग्ण सापडत होते. पण सातत्याने काही आठवड्यापांसून मुंबईतील कोरोना रुग्णांमध्ये घट होताना दिसत आहे. गेल्या 24 तासाच मुंबईत कोरोनाचे 676 नवे रुग्ण आढळले आहेत. तर 5 हजार 570 रुग्ण हे कोरोनामुक्त झाले आहेत. तर 29 जणांचा मृत्यू झाला आहे. मुंबईत सध्या 22 हजार 390 कोरोनाबाधित रुग्णांवर उपचार केले जात आहेत. मुंबईतील कोरोना दुप्प्टीचा दर हा आता 433 दिवसांवर पोहचला आहे.
#CoronavirusUpdates
३१ मे, संध्या. ६:०० वाजता२४ तासात बाधित रुग्ण - ६७६
२४ तासात बरे झालेले रुग्ण - ५५७०
बरे झालेले एकूण रुग्ण - ६६६७९६
बरे झालेल्या रुग्णांचा दर - ९४%एकूण सक्रिय रुग्ण- २२३९०
दुप्पटीचा दर- ४३३ दिवस
कोविड वाढीचा दर ( २४ मे ते ३० मे)- ०.१५ % #NaToCorona— माझी Mumbai, आपली BMC (@mybmc) May 31, 2021
1 जूनपासून मुंबईतील निर्बंध शिथील
मुंबईत गेल्या काही आठवड्यांपासून सातत्याने रुग्णसंख्येत कमालीची घट होतोना दिसतेय. या पार्श्वभूमीवर 1 जूनपासून मुंबईत काही निर्बंध हे शिथील करण्यात आले आहेत. त्यानुसार अत्यावश्यक आणि इतर दुकानं सकाळी 7 ते दुपारी 2 वाजेपर्यंत सुरु ठेवता येणार आहेत. तर इतर दुकानं शनिवार आणि रविवारी बंद ठेवण्याचे आदेश देण्यात आले आहेत. नव्या नियमांनुसार रस्त्याच्या दोन्ही बाजूची दुकानं ही सम-विषम पद्धतीने सुरु ठेवता येणार आहेत.
संबंधित बातम्या :