Breaking News LIVE UPDATES : विधानसभा निवडणुकीच्या धर्तीवर महाराष्ट्रात केंद्रीय चेहऱ्यांची उपस्थिती पाहायला मिळत असून, खुद्द पंतप्रधान मोदी मुंबई आणि नवी मुंबईत सभा घेणार आहेत. आजचा दिवस सभांचा आणि नेमका आणखी कोणत्या घडामोडींचा असेल? पाहा Live Updates...
14 Nov 2024, 12:46 वाजता
डोंबिवलीत भाजप कार्यालयाची तोडफोड
डोंबिवली पश्चिमेतील गृहरातील सेल पदाधिअरी जुगल उपाध्याय यांच्या कार्यालयाची तोडफोड. तीन ते चार अज्ञात व्यक्तींनी अचानक येत शिवीगाळ करत मारहाण करून केली तोडफोड. तोडफोडीची घटना सीसीटीव्ही कॅमेरात कैद. या डोंबिवली विधानसभेत भाजप कॅबिनेट मंत्री आणि महायुतीचे उमेदवार रवींद्र चव्हाण आणि ठाकरे गटाचे दीपेश म्हात्रे यांच्यात लढत आहे.
14 Nov 2024, 12:44 वाजता
गोव्याचे मुख्यमंत्री प्रमोद सावंत यांच्याही बॅगांची तपासणी
कराड दक्षिण विधानसभा मतदारसंघातील भाजपचे उमेदवार डॉ. अतुल भोसले यांच्या प्रचारासाठी गोव्याचे मुख्यमंत्री प्रमोद सावंत आले होते . आज ते पुण्याला जाताना त्यांच्या बॅगांची तपासणी कराड विमानतळावर करण्यात आली. कराड विमानतळावर सर्वच राजकीय नेत्यांच्या बॅगांची तपासणी करण्यात येत असल्याची माहिती विमानतळाचे व्यवस्थापक कृणाल देसाई यांनी दिली.
14 Nov 2024, 12:09 वाजता
पंडित नेहरू, इंदिरा गांधी यांनी घडवलेल्या देशाला मोदींनी 10 वर्षात मागे नेलं...
भाजपा हा जाहिरात बजरंग चालणारा पक्ष आहे 2014 मध्ये अशाच पद्धतीचे जाहिराती करून त्यांनी यश संपादन केले होते. मोदींनी मागील दहा वर्षात असं काही केलेले नाही की त्यांना आधुनिक भारताचे शिल्पकार म्हणतील. आम्हाला तरी तसे देशात काहीच दिसले नाही, असं म्हणत संजय राऊत यांनी पंतप्रधान मोदींवर नाराजीचा सूर आळवला. 'जो देश पंडित नेहरू इंदिरा गांधी यांनी घडविला त्या देशाला मोदींनी मागील दहा वर्षात मागे नेले, मोदिंनी मागील दहा वर्षात काय केलं याची उजळणी करण्याची संधी जर आम्हाला दिली तर बर होईल', असाही सूर त्यांनी आळवला.
14 Nov 2024, 12:01 वाजता
लाडकी बहिणसारख्या योजनांबद्दल नितीन गडकरी काय म्हणाले?
लाडकी बहिणसारख्या योजनांबद्दल नितीन गडकरींनी झी 24 तासच्या टू द पॉईंटमधील मुलाखतीत स्पष्ट भूमिका मांडलीय. फ्रीबीजच्या मुद्दयावर बोलताना गडकरींना अशा योजनांची घोषणा करण्यात सत्ताधारी किंवा विरोधक दोघेही याला अपवाद नाहीत असं म्हणाले. शिवाय सर्वच पक्ष निवडणूक जिंकण्याचा आधी विचार करतात त्यातून नवनव्या योजनांची घोषणा करतात. परंतु अशा योजनांना कसा प्रतिसाद द्यायचा हे लोकांच्या हातात असतं असं गडकरींना झी 24 तासच्या टू द पॉईंटच्या मुलाखतीत सांगितलंय.
14 Nov 2024, 11:58 वाजता
ठाणे, रायगडमधील महायुती उमेदवारांसाठी मोदींची खारघरमध्ये सभा
पंतप्रधान नरेंद्र मोदी यांची आज नवी मुंबईतील खारघर येथे जाहीर सभा होणार आहे. नवी मुंबई, रायगड आणि ठाणे शहर या भागातील महायुतीच्या उमेदवारांच्या प्रचारासाठी पंतप्रधान नरेंद्र मोदी जाहीर सभा घेत आहेत. पंतप्रधान नरेंद्र मोदी यांची जाहीर सभा होत असल्याने महायुतीच्या कार्यकर्त्यांमध्ये उत्साहाचे वातावरण असून या जाहीर सभेला 50 हजार कार्यकर्ते उपस्थित राहणार असल्याची शक्यता वर्तवण्यात येतेय. पंतप्रधान नरेंद्र मोदी यांच्या स्वागतासाठी मोठ्या प्रमाणावर बॅनरबाजी करण्यात येत असून सुरक्षिततेच्या दृष्टीने चोख पोलीस बंदोबस्त तैनात करण्यात आलाय.
14 Nov 2024, 11:16 वाजता
कोल्हापुरात पुन्हा एकदा महाडिक विरुद्ध पाटील...
कोल्हापूर दक्षिण विधानसभा मतदारसंघात महाडिक विरुद्ध पाटील अशी परंपरागत लढत पुन्हा एकदा पाहायला मिळत आहे. जिल्हात अनेक विधानसभा मतदारसंघात तुल्याबळ लढती पाहायला मिळत आहे. त्या पैकीच एक कोल्हापूर दक्षिण विधानसभा मतदारसंघ. या मतदारसंघात काँग्रेसचे उमेदवार ऋतुराज पाटील आणि भाजपचे उमेदवार अमल महाडिक यांच्यामध्ये दुरंगी लढत पाहायला मिळत आहे. या दोघांनीही जनतेचा विश्वास आपण संपादित करू आणि विजय खेचून आणू अशा प्रकारचा विश्वास व्यक्त केलाय.
14 Nov 2024, 10:44 वाजता
मोबाईल नेटवर्क नसलेल्या मतदान केंद्रावर दिसणार निरोप्या
मोबाईल नेटवर्क नसलेल्या मतदान केंद्रावर निरोप्याची नियुक्ती. पुणे जिल्ह्यातील 38 मतदान केंद्रावर 76 कर्मचारी नियुक्त करण्यात आले आहेत. नेटवर्क नसलेल्या मतदान केंद्रावरची माहिती मिळवण्यासाठी कर्मचारी निरोप घेऊन नेटवर्क असणाऱ्या विचारांपर्यंत पोहोचवण्यासाठी नियुक्ती करण्यात आली आहे. जिल्ह्यातील तीन मतदान केंद्रावर ही सुविधा उपलब्ध करण्यात आली असून भोर, वेल्हा, मुळशी तालुक्यात अशी सर्वाधिक गावं आहेत. मतदान केंद्रावरील कर्मचारी काही माहिती असेल तर तो नेटवर्क असलेल्या ठिकाणी जाऊन कर्मचाऱ्यांना सांगणार असं त्यांच्या कामाचं स्वरुप असेल.
14 Nov 2024, 10:11 वाजता
काँग्रेस नेते नितीन राऊत यांच्या वाहनाचा अपघात
काँग्रेस नेते नितीन राऊत यांच्या वाहनाचा काल रात्री ऑटोमोटीव्ह चौकावर अपघात झाला. नितीन राऊत प्रचार संपून त्यांच्या घराकडे जात असताना एका ट्रकने त्यांच्या चारचाकी वाहनाला मागून धडक दिली. या धडकेमुळे कारमध्ये बसलेले नितीन राऊत आणि इतर सहकाऱ्यांना जोरदार धक्का बसला. मात्र कोणीही जखमी झाले नाही, नितीन राऊत हेही या अपघातातून पूर्णपणे सुखरूप आहेत. राऊत यांच्या सहकाऱ्यांनी घटनेची माहिती पोलिसांना दिली.
14 Nov 2024, 10:08 वाजता
राज ठाकरेंच्या सभा रद्द
राज ठाकरे यांच्या आजच्या बीड जिल्ह्यातील दोन्हीं प्रचार सभा रद्द. तांत्रिक कारणामुळे सभा रद्द. गेवराई आणि केज मध्ये होणार होत्या दोन्ही सभा. पुण्यातील संध्याकाळच्या दोन्ही सभा मात्र पूर्वनियोजित वेळापत्रकानुसार होणार. दरम्यान, हडपसर आणि वडगाव बुद्रुक सिंहगड रस्ता, पुणे या ठिकाणी होणार सायंकाळी दोन प्रचार सभा.
14 Nov 2024, 10:05 वाजता
महाविकास आघाडीच्या पुण्यात आज दोन सभा
महाविकास आघाडीच्या पुण्यात आज दोन सभा होणार आहेत. काँग्रेस अध्यक्ष मल्लिकार्जुन खरगे आणि शरद पवार या सभेला उपस्थित राहणार आहेत. खडकवासला मतदारसंघात सचिन दोडके आणि पुणे कँटोमेंटमध्य रमेश बागवे यांच्यासाठी या सभा होणार आहेत. 2019मध्ये खडकवासला मतदारसंघात सचिन दोडके यांचा थोडक्यात पराभव झाला होता. त्यामुळे खडकवासला मतदारसंघ ताब्यात घेण्यासाठी शरद पवार स्वत: मैदानात उतलेत.
