8 Nov 2024, 18:13 वाजता
राष्ट्रवादीकडून निलंबनाची कारवाई
Maharashtra Vidhan Sabha Election 2024 : राष्ट्रवादीकडून निलंबनाची कारवाई.. 8 पदाधिका-यांविरोधात निलंबनाची कारवाई केल्याची माहिती.. महायुतीच्या उमेदवारांविरोधात अर्ज भरल्यानं कारवाई.
8 Nov 2024, 16:45 वाजता
एक है तो सेफ है... मोदींचा नारा, आम्ही सर्व एकत्रच...उद्धव ठाकरेंचं मोदींना उत्तर
Maharashtra Vidhan Sabha Election 2024 : नरेंद्र मोदींनी धुळ्यातील सभेतून एक है तो सेफ है चा नारा दिलाय.. काँग्रेस आणि विरोधक जाती जातीत मतभेद करून वेगवेगळे करण्याचा डाव आखत असल्याचा आरोप मोतींनी केलाय.. तर मोदींच्या आरोपांना ठाकरेंनी उत्तर दिलंय.. आम्हाला शिकवू नका आम्ही सर्व एकत्र असल्याचा पलटवार उद्धव ठाकरेंनी मोदींवर केलाय.
8 Nov 2024, 14:42 वाजता
समर्थ रामदासांनी शिवरायांना पाठिंबा दिला होता - अमित शाह
Maharashtra Vidhan Sabha Election 2024 : समर्थ रामदासांनी गुलामीच्या काळात तरुणांना एकत्र करून छत्रपती शिवाजी महाराजांना पाठिंबा दिला, असं विधान अमित शाहांनी केलंय. सांगलीच्या शिराळ्यामध्ये अमित शाहांची प्रचार सभा पार पडली. यावेळी त्यांनी हे विधान केलंय. ही भूमी समर्थ रामदासांची पावलं पडलेली आहे, असंही ते म्हणाले. त्यांच्या या विधानामुळे वाद होण्याची शक्यताये.
8 Nov 2024, 13:50 वाजता
मविआच्या गाडीला ना चाकं ना ब्रेक - मोदी
Maharashtra Vidhan Sabha Election 2024 : पंतप्रधान नरेंद्र मोदींनी धुळ्यातून आपल्या प्रचाराची सुरुवात केली.. यावेळी त्यांनी महाविकास आघाडीवर टीकेची झोड उठवली.. लाडक्या बहीण योजनेला काँग्रेसनं केलेल्या विरोधावरुन त्यांनी टीकास्त्र सोडलं.. तसंच राज्यात पुन्हा महायुतीचं सरकार आल्यास फडणवीसांचं वाढवण विमानतळाचं स्वप्न साकार करु असं आश्वासनही यावेळी दिलं..
8 Nov 2024, 11:52 वाजता
राज ठाकरेंचा भोंगा 20 ते 25 वर्षांपासून ऐकतोय - संजय राऊत
Sanjay Raut On Raj Thacekray : राज ठाकरेंचा भोंगा गेल्या 20 ते 25 वर्षांपासून ऐकतोय. ते प्रत्यक्ष-अप्रत्यक्षपणे मोदी शाहांना मदत करातत असा टोला संजय राऊतांनी लगावलाय..
8 Nov 2024, 11:24 वाजता
नालासोपाऱ्यात साडे 3 कोटींची रोकड जप्त
Nalasopara Cash Seized : नालासोपा-यात साडेतीन कोटी रुपयांची रोकड जप्त करण्यात आलीय. ही संशयास्पद रोकड ATM व्हॅनमध्ये आढळली.पोलिसांच्या पथकाने ही व्हॅन आणि त्यातील दोन जणांना ताब्यात घेतलंय. बँकेच्या ATMमध्ये भरण्यासाठी ही रक्कम आणल्याचं सांगण्यात आलं. मात्र व्हॅनमध्ये असलेले साडेतीन कोटी रुपयांचा हिशोब जुळत नसल्यानं या रकमेबाबत संशय निर्माण झालाय. या घटनेची माहिती मिळताच बहुजन विकास आघाडीचे कार्यतर्ते पोलीस ठाण्यात जमा झाले. त्यांनी चौकशीची मागणी केलीय.
8 Nov 2024, 10:28 वाजता
जालन्यात 52 लाखांची रोकड जप्त
Jalna Cash Seized : जालन्यातही 52 लाखांची रोकड जप्त करण्यात आलीये... स्थानिक गुन्हे शाखेनं केलेल्या कारवाईत एका वाहनात ही रक्कम आढळून आलीये.. शहरातील किरण पेट्रोल पंपाजवळ ही कारवाई करण्यात आलीये.. एका वाहनातून ही रक्कम येणार असल्याची माहिती पोलिसांना मिळाली होती. त्या माहितीच्या आधारे पोलिसांनी सापळा रचून ही कारवाई केली.. याप्रकरणी पोलिसांनी कारचालकाला ताब्यत घेतलंय.
बातमीचा व्हिडीओ पाहा -
8 Nov 2024, 10:27 वाजता
जळगावात 52 लाखांची रोकड जप्त
Jalgaon Cash Seized : जळगाव शहरातील शनिपेठ भागात एका व्यक्तीकडून 25 लाख रुपयांची रोख रक्कम पोलिसांनी जप्त केलीये.. गस्ती दरम्यान पोलिसांना या व्यक्तीच्या हालचाली संशयास्पद वाटल्यानं त्याची चौकशी केली.. यावेळी त्याच्याकडे 25 लाख रुपये आढळून आले.. सदर रकमेबाबत कुठलाही पुरावा सादर न केल्यामुळे पोलिसांनी या व्यक्तीला ताब्यात घेतलंय.. प्रमोद हिरामण पवार असे ताब्यात घेण्यात आलेल्या व्यक्तीचे नाव आहे.. ही रक्कम एका बड्या नेत्याची असल्याची चर्चा आहे.
बातमीचा व्हिडीओ पाहा -
8 Nov 2024, 09:33 वाजता
ऐन निवडणूक काळात भाजीपाला शंभरीपार
Vegetable Price Hike : निवडणुकांच्या दिवसांमध्ये भाज्यांचे दर गगनाला भिडलेत... कांदा 80 रुपये किलो, लसूण 500 रुपये किलो तर वाटाण्याचा दर 250रुपये किलोवर गेलाय.. त्यामुळे सर्वसामान्यांमध्ये संतापाचं वातावरण आहे.. नागरिकांच्या नाराजीमुळे सर्वपक्षीय उमेदवारांचं टेन्शन वाढलंय.. परतीच्या पावसाचा फटका बसल्यानं बाजारात भाज्यांची आवक घटलीये.. त्यामुळे भाज्या महागल्यात..
बातमीचा व्हिडीओ पाहा -
8 Nov 2024, 09:26 वाजता
हर्षवर्धन जाधवांची पोलिसांत तक्रार
Harshwardhan Jadhav : हर्षवर्धन जाधवांच्या जिवाला धोका असल्याची तक्रार पोलिसांत दाखल करण्यात आलीय. काही गाड्या पाठलाग करत आहेत. अपहरणाचा कट केला जात आहे, अशी तक्रार हर्षवर्धन जाधवांनी पोलिसांत केलीय. त्यामुळे पोलिसांनी सुरक्षा द्यावी, अशी मागणीही हर्षवर्धन जाधवांनी केलीय.
बातमीचा व्हिडीओ पाहा -
