बिबट्याचा दीड वर्षाच्या बछड्याची इसमाशी झटापट

गडचिरोली :  गडचिरोली जिल्ह्यातल्या कोरची तालुक्यात एक धक्कादायक घटना उजेडात आलीय. सोहले गावी बिबट्याचा दीड वर्षीय बछडा आणि एका व्यक्तीची झटापट झाली. झटापटीत अशक्त बिबट्याचा मृत्यू झाला. कोरची तालुक्यातल्या सोहले गावी एक लग्नसमारंभ होता. यात सहभागी होण्यासाठी आलेल्या जुमन कोरंगे नावाचा व्यक्ती शौचाला जाण्यासाठी गावालगतच्या जंगलात निघाला. मात्र अचानक दाबा धरून असलेल्या बिबट्याने त्याच्यावर हल्ला केला. जुमनने या हल्ल्याचा प्रतिकार केला. सुमारे १५ मिनिटे हा प्रकार सुरु होता. 

या दरम्यान अशक्त बिबट्यानं बाजूच्या झाडीत आश्रय घेतला. जखमी जुमननं घटनास्थळावरुन पळ काढला आणि ग्रामस्थ तसंच वनविभागाला माहिती दिली. वनविभागाचे कर्मचारी घटनास्थळी पोहचताच बिबट्याचा बछडा मृतावस्थेत आढळला. तर जखमी व्यक्तीला रुग्णालयात दाखल करण्यात आलंय.