Tata Steel Plant : टाटा स्टीलमध्ये मोठ्या स्फोटानंतर भीषण आग, अनेक कामगार जखमी

रांची : Tata Steel Plant Blast Latest Update: झारखंडमधील जमशेदपूर येथील टाटा स्टील प्लांटमध्ये मोठा स्फोट झाला असून त्यामुळे प्लांटमध्ये भीषण आग लागली आहे. या घटनेत तीन मजूर जखमी झाले आहेत. झारखंडचे मुख्यमंत्री हेमंत सोरेन यांनी अपघातात जखमी झालेल्या लोकांची माहिती घेतली. त्यांना उपचारासाठी रुग्णालयात दाखल करण्यात आले आहे.

मुख्यमंत्री हेमंत सोरेन यांनी जखमींवर उपचार करण्याच्या सूचना दिल्या आहेत. जमशेदपूर घटनेवर मुख्यमंत्री हेमंत सोरेन यांनी ट्विट केले की, जमशेदपूरमधील टाटा स्टील प्लांटमध्ये स्फोट झाला आहे. टाटा स्टील व्यवस्थापनाच्या समन्वयाने जिल्हा प्रशासन जखमींवर तात्काळ उपचारासाठी कार्यवाही करत आहे.

जखमी मजुरांची प्रकृती चिंताजनक 

अपघातात जखमी झालेल्या मजुरांची प्रकृती चिंताजनक असल्याचे सांगण्यात येत आहे. डॉक्टरांचे 11 सदस्यीय पथक त्यांच्यावर उपचार करत आहे. अपघातानंतर त्यांना तातडीने रुग्णालयात दाखल करण्यात आले.

जमशेदपुर में टाटा स्टील प्लांट में ब्लास्ट होने की खबर मिली है। जिला प्रशासन, टाटा स्टील प्रबंधन के साथ सामंजस्य बनाकर घायलों के त्वरित इलाज हेतु कार्यवाई कर रही है।@DCEastSinghbhum

— Hemant Soren (@HemantSorenJMM) May 7, 2022

टाटा स्टील प्लांटमध्ये झालेल्या स्फोटामुळे लागलेली आग विझवण्यासाठी अग्निशमन दलाच्या गाड्या घटनास्थळी दाखल झाल्या आहेत. लागलेली भीषण आग विझवण्याचे काम सुरु आहे. अनेक वरिष्ठ अधिकारी घटनास्थळी पोहोचले आहेत.