SBI New Rule | एटीएममधून पैसे काढण्याचे बदलले नियम, जाणून घ्या नाहीतर अडकतील पैसे

मुंबई : SBI बँक ग्राहकांसाठी कामाची बातमी आहे. एटीएममधून पैसे काढण्याच्या नियमात बदल करण्यात आला आहे. ATM व्यवहार अधिक सुरक्षित करण्यासाठी SBI ने एक नवीन निर्णय घेतला आहे. आता तुम्हाला SBI ATM मधून पैसे काढण्यासाठी OTP टाकावा लागेल. ( SBI New Rule)

या नवीन नियमात ग्राहकांना OTP शिवाय पैसे काढता येणार नाहीत. रोख रक्कम काढण्याच्या वेळी, ग्राहकांना त्यांच्या मोबाइल फोनवर एक ओटीपी मिळेल, एटीएममधून पैसे काढता येतील.

बँकेने ट्विट करून दिली ही माहिती 

बँकेने ट्विट करून ही माहिती दिली आहे. ट्विटमध्ये असे लिहिले आहे की, 'एसबीआय एटीएममधील व्यवहारांसाठी आमची ओटीपी आधारित रोख पैसे काढण्याची प्रणाली फसवणूकीला आळा घालण्यासाठी आहे. फसवणुकीपासून तुमचे संरक्षण करणे हे नेहमीच आमचे सर्वोच्च प्राधान्य असेल.

Our OTP based cash withdrawal system for transactions at SBI ATMs is vaccination against fraudsters. Protecting you from frauds will always be our topmost priority.#SBI #StateBankOfIndia #ATM #OTP #SafeWithSBI #TransactSafely #SBIATM #Withdrawal pic.twitter.com/9EnJH883bx

— State Bank of India (@TheOfficialSBI) November 21, 2021

नियम काय आहे?

हे नियम 10,000 रुपये आणि त्याहून अधिक पैसे काढण्यावर लागू होतील. SBI ग्राहकांना त्यांच्या एटीएममधून प्रत्येक वेळी त्यांच्या बँक खात्यातून त्यांच्या नोंदणीकृत मोबाइल क्रमांकावर आणि डेबिट कार्डच्या पिनवर पाठवलेल्या ओटीपीसह 10,000 रुपये आणि त्याहून अधिक रक्कम काढण्याची परवानगी देईल.

प्रक्रिया जाणून घ्या

SBI ATM मधून पैसे काढण्यासाठी तुम्हाला OTP ची आवश्यकता असेल.

यासाठी तुमच्या नोंदणीकृत मोबाईल क्रमांकावर एक ओटीपी पाठवला जाईल.

हा OTP चार अंकी क्रमांक असेल जो ग्राहकाला एका व्यवहारासाठी मिळेल.

तुम्ही काढू इच्छित असलेली रक्कम प्रविष्ट केल्यानंतर, तुम्हाला एटीएम स्क्रीनवर ओटीपी प्रविष्ट करण्यास सांगितले जाईल.

रोख काढण्यासाठी या स्क्रीनमध्ये बँकेत नोंदणीकृत मोबाइल क्रमांकावर प्राप्त झालेला OTP प्रविष्ट करावा लागेल.

ग्राहकांना फसवणुकीपासून वाचवता यावे यासाठी बँकेने हे पाऊल उचलले आहे. 

देशातील सर्वात मोठी सार्वजनिक क्षेत्रातील बँक SBI कडे  22,224 शाखा आणि 63,906 ATM/CDM चे  71,705 BC आउटलेट असलेले सर्वात मोठे नेटवर्क आहे.

 इंटरनेट बँकिंग आणि मोबाईल बँकिंग वापरणाऱ्या ग्राहकांची संख्या अंदाजे 91 दशलक्ष आणि 20 दशलक्ष आहे.