मोठी सुवर्णसंधी ! 5000 रुपयात IRCTC सोबत करा भरपूर कमाई, जाणून घ्या संपूर्ण प्रक्रिया

मुंबई : जर आपण देखील कामाच्या शोधात असाल किंवा व्यवसाय (Business Idea) करून नफा कमवायचा असेल तर आपल्यासाठी एक चांगला पर्याय आहे. आयआरसीटीसी (IRCTC) (इंडियन रेलवे केटरिंग अँड टुरिझम कॉर्पोरेशन) भारतीय रेल्वेच्या तिकिटांसह इतर अनेक सेवा पुरवते. आयआरसीटीसी एजंट  (IRCTC Agents) म्हणून आपण चांगली कमाई करू शकता. आपल्याला 'रेल ट्रॅव्हल सर्व्हिस एजंट' (Rail Travel Service Agent) म्हणून ओळखले जाईल.

चांगले कमिशन मिळेल

आपण आयआरसीटीसीसोबत जोडले गेल्यानंतर आपल्याला चांगले कमिशन मिळेल. आयआरसीटीसीचा एजंट बनून आपण तिकिटे बुक करू शकता. यातही तुमच्या तिकिट बुकिंगनुसार कमिशनचा निर्णय घेतला जाईल. आयआरसीटीसी एजंट्सना सर्व प्रकारच्या रेल्वे तिकिटांची ऑनलाईन बुकिंग करण्याची परवानगी आहे.

आपण किती पैसे कमवाल?

एजंट्सला प्रत्येक बुकिंग आणि व्यवहारावर निश्चित कमिशन मिळते. एजंटला दरमहा 80,000 रुपयांपर्यंत नियमित उत्पन्न मिळू शकते. जरी आपले काम संथ गतीने चालू असेल तर किमान 40-50 हजार रुपये मिळतील. जर तुम्हाला आयआरसीटीसीचा एजंट बनायचा असेल तर तुम्हाला बारावी पास करणे अनिवार्य आहे. यासाठी आपण आयआरसीटीसीच्या अधिकृत वेबसाइटवर जा. आपण येथे जाऊन अर्ज करू शकता.

कराराचे नूतनीकरण शुल्क  

आयआरसीटीसीचा एजंट होण्यासाठी प्रथम तुम्हाला डिमांड ड्राफ्ट (डीडी) घ्यावा लागेल. हा डीडी 30 हजार रुपयांची असेल. ते आयआरसीटीसीच्या नावावर करावे लागेल. यामधून तुम्हाला 20000 रुपये परत मिळतील. पण आयआरसीटीसीशी करार पूर्ण झाल्यावर हे पैसे परत केले जातात. यासह तुम्हाला दरवर्षी 5000 रुपये द्यावे लागतात. यामुळे आपल्याला दर वर्षी कराराच्या नूतनीकरण शुल्काचा खर्च करावा लागतो.

प्रशिक्षण किट मिळेल

आयआरसीटीसी एजंट झाल्यावर तुम्हाला प्रशिक्षण किट दिले जाईल. हे आपल्याला वेबसाइटवर तिकिट बुकिंग कसे केले जाते हे जाणून घेण्यास मदत करेल. एजंट होण्यासाठी आपल्याकडे पॅनकार्ड, आधार कार्ड आणि पासपोर्ट साईज फोटोसह मोबाइल नंबर आणि ई-मेल पत्ता असणे आवश्यक आहे. एजंटला एसी तिकिटांवर 50 रुपये आणि प्रत्येक तिकिटावर स्लीपर तिकिटांवर 30 रुपये अतिरिक्त कमिशन मिळू शकेल. यापेक्षा अधिक कमिशन घेण्याची परवानगी नसेल.