गुजरातचा प्रचार अंतिम टप्प्यात

अहमदाबाद : गुजरात विधानसभेसाठी पहिल्या टप्प्याच्या मतदानासाठीचा प्रचार आता अंतिम टप्प्यात आलाय. उद्या म्हणजे सात तारखेला संध्याकाळपर्यंत प्रचाराची मुदत आहे. त्यामुळे काँग्रेस आणि भाजप दोन्ही बाजूंनी प्रचारासाठी आपली सगळी ताकद उतरवलीय.

काँग्रेस उपाध्यक्ष राहुल गांधी कालच गुजरातमध्ये दाखल झाले. पण पावसामुळे त्यांना एकच सभा घेता आली. त्यांच्या आजच्या सभा रद्द करण्यात आल्या.

पंतप्रधान नरेंद्र मोदी देखील पुन्हा गुजरातमध्ये येत आहेत. मोदींची सुरतमध्ये सभा होतेय. याशिवाय भाजपचे राष्ट्रीय अध्यक्ष अमित शाह, माहिती प्रसारण मंत्री स्मृती इराणी, राजस्थानच्या मुख्यमंत्री वसुंधरा राजे, उत्तर प्रदेशचे मुख्यमंत्री योगी आदित्यनाथ पहिल्या टप्प्यातल्या मतदारसंघांमध्ये प्रचाराच्या रणधुमाळीत उतरत आहेत.