Railway Coach: ट्रेनच्या डब्यावर तिरप्या पिवळ्या लाइन्सचा अर्थ काय? जाणून घ्या

What is meaning of Yellow Line on Train Coaches: रेल्वेचं जाळं देशात पसरलेलं आहे. लाखो प्रवासी दररोज रेल्वेने प्रवास करतात. कारण रेल्वेन प्रवास करणं सोयीचं आणि सुरक्षित आहे. ट्रेनच्या डब्यांवर अनेक चिन्हे असतात त्याकडे आपलं कधीच लक्ष जात नाही. ट्रेनच्या काही स्पेशल डब्यांवर पिवळ्या आणि पांढऱ्या रंगाच्या तिरकस रेषांनी डिझाईन तयार केल्याचे तुम्ही पाहिले असेल. ट्रेनच्या ठराविक डब्यांवर ही रचना का केली जाते हे तुम्हाला माहीत आहे का? जर नसेल तर आज आम्ही तुम्हाला हे डिझाईन का बनवण्यात आले याचे खास कारण सांगत आहोत.

ट्रेनच्या काही डब्यांवर, पिवळ्या किंवा पांढऱ्या रंगाच्या तिरप्या रेषा रेखाटल्या जातात. या रेषा प्रामुख्याने टॉयलेटच्या डब्यांवर असतात. यापैकी बहुतांश रेषा पॅसेंजर ट्रेनच्या वरच्या बाजूला रेखाटलेल्या असतात. मात्र, प्रत्यक्षात हा एक प्रकारचा सिग्नल आहे. या तिरप्या रेषा ट्रेनची सामान्य डब्बा असल्याचं दर्शवितात. यामध्ये आरक्षण नसलेले प्रवासी प्रवास करतात.

जनरल डब्यांच्या वर जनरल कॅटेगरी असं लिहिलेलं असतं. काही कारणास्तव तुम्हाला लिहिलेलं दिसलं नाही तर या रेषा पाहून तुम्ही समजू शकता की ते ट्रेनचे जनरल डब्बा आहे. अशा परिस्थितीत, या रेषांच्या मदतीने, आपण आरक्षित आणि अनारक्षित डब्ब्यांमधील फरक समजू शकता.

आणखी एका प्रकरणात ट्रेनचा जनरल डब्बा इतर डब्यांपेक्षा वेगळा असतो. जनरल डब्याला उर्वरित डब्यांप्रमाणे 2 दरवाजे नसून त्यांना 3 दरवाजे असतात.जनरल डब्याच्या पुढील आणि मागील गेट्स व्यतिरिक्त, मध्यभागी एक दरवाजा असतो. हा तिसरा दरवाजा प्रवाशांच्या सोयीसाठी बनवलेला असतो. जनरल डब्यात जास्त प्रवासी प्रवास करतात यामुळे प्रवाशांना त्यांच्या स्थानकावर सहज उतरता येते.