Jammu Kashmir Road Accident : मिनीबस दरीत कोसळून 11 ठार, 20 पेक्षा जास्त लोक जखमी
Jammu Kashmir Road Accident: जम्मू-काश्मीरच्या पुंछ जिल्ह्यात एक मोठा रस्ता अपघात झाला आहे. या अपघातात 11 जणांचा मृत्यू झाला, तर 20 हून अधिक जण जखमी झाले.
)
जम्मू-कश्मीर : Jammu Kashmir Road Accident: जम्मू-काश्मीरच्या पुंछ जिल्ह्यात एक मोठा रस्ता अपघात झाला आहे. मंडी तहसील सावजियान येथे मिनीबस दरीत कोसळली. या अपघातात 11 जणांचा मृत्यू झाला, तर 20 हून अधिक जण जखमी झाले. लेफ्टनंट गव्हर्नर यांनी मिनीबस अपघाताबद्दल शोक व्यक्त केला. राज्य सरकारने मृतांच्या नातेवाईकांना 5 लाख आणि जखमींना 1 लाख रुपयांची भरपाई जाहीर केली आहे.
घटनास्थळी मदतकार्य सुरु
ही मिनीबस जम्मू-काश्मीरमधील मंडी येथून सावजनकडे जात होती. यादरम्यान अचानक चालकाचा बसवरील ताबा सुटला आणि बस दरीत कोसळली. या अपघातातील जखमींवर मंडईतील रुग्णालयात उपचार सुरू आहेत. घटनास्थळी मदतकार्य सुरू आहे. अपघातानंतर संपूर्ण परिसरात घबराटीचे वातावरण आहे.
LG यांनी व्यक्त केले दु:ख
या दुर्घटनेनंतर जम्मू-काश्मीरचे नायब राज्यपाल मनोज सिन्हा यांनी शोक व्यक्त करताना मृतांच्या कुटुंबीयांना प्रत्येकी 5 लाख आणि जखमींना एक लाख रुपयांची मदत जाहीर केली. यासोबतच जखमींना चांगले उपचार देण्याचे निर्देशही अधिकाऱ्यांना दिले आहेत. लेफ्टनंट गव्हर्नर मनोज सिन्हा यांनी ट्विट केले की, 'दुर्घटनेत काही लोकांचा अचानक मृत्यू झाला आहे, देव त्यांच्या आत्म्याला शांती देवो आणि सर्व मृतांच्या कुटुंबियांना संवेदना देवो. मृतांच्या कुटुंबीयांना 5 लाख आणि जखमींना 1 लाख रुपयांची मदत दिली जाणार आहे.
Saddened by loss of lives due to a road accident in Sawjian, Poonch. Condolences to bereaved families. May the injured recover soon. Rs. 5 lakh would be given to the next of kin of deceased. Directed Police and Civil authorities to provide best possible treatment to the injured.
— Office of LG J&K (@OfficeOfLGJandK) September 14, 2022
राष्ट्रपती मुर्मू यांनी व्यक्त केले दु:ख
पुंछ रस्ता दुर्घटनेवर शोक व्यक्त करताना राष्ट्रपती द्रौपदी मुर्मू यांनी ट्विट केले की, 'सावजियान, पूंछ येथे झालेल्या वेदनादायक रस्ता अपघातात लोकांचा मृत्यू अत्यंत दुःखद आहे. माझ्या संवेदना आणि प्रार्थना शोकग्रस्त कुटुंबांसोबत आहेत. जखमींना लवकरात लवकर बरे व्हावे अशी माझी इच्छा आहे.
The loss of lives in a tragic road accident in Sawjian, Poonch is deeply distressing. My thoughts and prayers are with the bereaved families. I wish speedy recovery of the injured.
— President of India (@rashtrapatibhvn) September 14, 2022