इंडियन ऑईलच्या पेट्रोल पंपांवर मोठा बदल, आता ग्राहकांना असे मिळणार Petrol-Diesel

मुंबई : कोरोना विषाणूमुळे सर्वत्र आता परिस्थितीही बदलली आहे. कोरोनामुळे लोकांना सोशल डिस्टंसींग चे पालन करण्यासाठी सांगितले जाते, ज्यामुळे लोकं कोणत्याही व्यक्तीशी होणारा डायरेक्ट संपर्क टाळतात. यामुळे लोकांनी आता डिजीटल ट्रँझॅक्शन देखील करायला सुरवात केली आहे. कोव्हिड प्रोटोकॉलमुळे बँकांबरोबरच अनेक ठिकाणी व्यवहाराच्या पद्धतीमध्ये बदल करण्यात आले आहेत.

आता या यादीमध्ये पेट्रोल पंपला देखील समाविष्ट करण्यात आले आहेत, जेथे सामाजिक अंतराचे अनुसरण करून आपण पेट्रोल आणि डिझेल देखील भरू शकतो. इंडियन ऑइलने आता आपले अनेक पेट्रोल पंप स्वयंचलित केले आहेत, ज्यामुळे ग्राहकांचे निम्मे काम स्वयंचलित होणार आहेत.

इंडियन ऑईलने आपल्या ट्विटर अकाऊंटद्वारे लोकांना ही माहिती दिली आहे. त्यानुसार आता ग्राहकांना पेट्रोल पंपावर वेगळा अनुभव मिळणार आहे. खरेतर ही काळाची गरज आहे. अशा परिस्थितीत इंडियन ऑईलने काय बदल केले आहेत आणि ते आता कसे कार्य करत आहे ते जाणून घ्या.

इंडियन ऑईलने कोणती माहिती दिली?

इंडियन ऑयलने ट्विटरद्वारे म्हटले आहे की, 'आम्हाला ही घोषणा करताना अतिशय आनंद होत आहे, सुमारे 30 हजार इंडियन ऑईल पेट्रोल पंप आता स्वयंचलित झाले आहे. आपल्या जवळच्या पेट्रोल पंपाला भेट द्या आणि ई-पावत्या, ऑटोमॅटिक लॉयल्टी पॉइंट्स आणि ऑटोमॅटिक पेमेन्ट मिळवा. ऑटोमॅटिक म्हणजे इंडियन ऑइल.'

We’re proud to announce that over 30,000 #IndianOil petrol pumps are now automatic. Drive in & experience automatic e-receipts, automatic loyalty points and automatic payments at any IndianOil petrol pump near you. Automatic matlab IndianOil. pic.twitter.com/SxZBkwHPke

— Indian Oil Corp Ltd (@IndianOilcl) July 1, 2021

काय फायदा होईल?

या सुविधेमुळे आपण कोणाशीही संपर्क साधण्याची आवश्यकता नाही. यामध्ये आपण कोणाशीही संपर्क न साधता कार्डवरून कॉन्टॅक्टलेस तंत्रज्ञानाद्वारे पैसे भरण्यास सक्षम असाल आणि त्याची पावती तुम्हाला ऑनलाईन माध्यमातूनच मिळेल. त्याचबरोबर इंडियन ऑईलने निष्ठा मुद्द्यांचा देखील उल्लेख केला आहे, जे इंडियनऑयलच्या विशेष सदस्यतेवर उपलब्ध आहेत, ज्यासाठी तुम्हाल इंडियन ऑईल कार्ड बनवावे लागेल. इंडियन ऑईलच्या म्हणण्यानुसार आता पेट्रोल पंपांचे डिजिटायझेशन करण्याचे प्रयत्न केले जात आहेत.

इंडियन ऑईलची खास सदस्यता काय आहे?

XTRAREWARDS ग्राहकांना प्रत्येक पेट्रोल-डिझेल खरेदीवर रिवॉर्ड पॉइंट्स मिळतात. इंडियन ऑईल आपल्या ग्राहकांना खास सदस्य बनवत आहे आणि जर तुम्ही त्या खास सदस्यांच्या यादीत आलात, तर तुम्हाला पेट्रोलच्या खरेदीवर खूप रिवॉर्ड मिळतील. XTRAREWARDS चे सदस्य होण्यासाठी तुम्ही ऑनलाइन अर्ज करू शकता, त्यानंतर तुम्हाला कार्ड मिळेल.

यानंतर तुम्हाला फक्त या कार्डद्वारे पेट्रोल आणि डिझेल खरेदी करावे लागेल. या कार्डद्वारे पेट्रोल खरेदी केल्याने तुम्हाला त्या कार्डमध्ये जे रिवॉर्ड मिळतील त्याच्या मदतीने तुम्ही दुसऱ्या गोष्टी खरेदी करु शकता.