Government revises NLEM: मोठा दिलासा, शुगर, कॅन्सर सारखी 39 आजारांवरील औषधं स्वस्त

नवी दिल्ली : केंद्र सरकारने अत्यावश्यक औषधांची राष्ट्रीय यादी (NLEM) मध्ये सुधारणा करताना सामान्यतः वापरल्या जाणाऱ्या 39 औषधांच्या किंमती कमी केल्या आहेत. यामध्ये कर्करोग विरोधी, मधुमेह विरोधी, अँटीव्हायरल, अँटीबैक्टीरियल, अँटीरेट्रोव्हायरल, टीबी विरोधी औषधे तसेच कोविडच्या उपचारांमध्ये वापरल्या जाणाऱ्या औषधांचा समावेश आहे.

मधुमेहाचे औषधही स्वस्त

NLEM सूचीवर काम करणाऱ्या तज्ञांनी 16 विषम औषधे यादीतून काढून टाकली आहेत. इंडियन कौन्सिल ऑफ मेडिकल रिसर्च (ICMR) औषधांच्या किमतींवर नियंत्रण वाढवण्यासाठी दीर्घकाळापासून काम करत आहे. किंमतीच्या श्रेणीत आणल्या जाणाऱ्या सामान्यतः वापरल्या जाणाऱ्या औषधांमध्ये टेनेलिग्लिप्टिन, शुगर वरील औषधं (Sugar Medicine), एंटी-टीबी औषधं, आयवरमेक्टिन कोविडची औषधं, रोटावायरस वॅक्सीन या औषधांचा समावेश आहे.

आयसीएमआरची बैठक 

2015 मध्ये अधिसूचित केलेल्या आणि 2016 मध्ये अंमलात आणलेल्या NLEM च्या सुधारणेसाठी सरकारने एक अभ्यास सुरू केला होता. औषधांवर स्थायी राष्ट्रीय समितीला कोणती औषधे पुरेशा प्रमाणात आणि विशिष्ट प्रमाणात उपलब्ध असावी याची यादी तयार करण्याचे काम सोपवण्यात आले होते. आरोग्य संशोधन विभागाचे सचिव आणि आयसीएमआरचे महासंचालक बलराम भार्गव यांच्या अध्यक्षतेखालील समिती दुसऱ्या आयोगाकडे ही यादी पाठवते, ज्यामध्ये NITI आयोगाचे वरिष्ठ अधिकारी, आरोग्य सचिव आणि औषध विभागाचे सचिव यांचा समावेश आहे, जे कोणती औषधे आहेत हे ठरवते. किंमतवर नियंत्रण ठेवण्याचं काम देखील ही संस्था करते.