ऑक्सिजनच्या कमतरतेने रूग्णांचा मृत्यू; राज्यांनी केंद्राला दिलं धक्कादायक उत्तर

मुंबई : देशात कोरोनाची दुसरी लाट आली असताना अनेक वैद्यकीय गोष्टींचा तुटवडा जाणवला होता. यामध्ये बेड्स, औषधं तसंच ऑक्सिजन यांची कमतरता भासली होती. मात्र दुसऱ्या लाटेत एप्रिल-मे या कालावधीत ऑक्सिजनच्या कमतरतेने लोकांना जीव गमवावा लागला होता का? राज्य सरकारच्या म्हणण्याप्रमाणे, ऑक्सिजनच्या कमतरतेमुळे मृत्यू झालेले नाहीत. 

केंद्रीय आरोग्य मंत्रालयाचे सहसचिव लव अग्रवाल यांनी हा दावा केला आहे. मंगळवारी दिल्लीत पत्रकार परिषदेत ते म्हणाले की, राज्य सरकारांना विचारण्यात आलं की, ऑक्सिजनच्या अभावामुळे मृत्यू झाला आहे का? या प्रश्नाला उत्तर देताना, राज्यांनी केंद्र सरकारला त्यांची उत्तरं पाठवली आहेत. त्यापैकी फक्त एक राज्य पंजाबने कबूल केले आहे की त्यात ऑक्सिजनच्या अभावामुळे संशयास्पद मृत्यू झाला आहे.

लव अग्रवाल म्हणाले की, कोणत्याही कोरोना रुग्णाचा ऑक्सिजनच्या अभावामुळे मृत्यू झाला हे इतर कोणत्याही राज्य सरकारने स्वीकारलं नाही. याचा अर्थ त्यांच्या म्हणण्याप्रमाणे इतर राज्यांमध्ये ऑक्सिजनची कमतरता नव्हती. 

एप्रिल-मे महिन्यात कोरोनाची दुसऱ्या लाटेने थैमान घातलं होतं. त्या काळात रुग्णालयांमध्ये बेड आणि ऑक्सिजनची तीव्र कमतरता होती. यामुळे अनेक रुग्णांना आपले प्राण गमवावे लागले. विरोधी पक्षनेत्यांनी तेव्हा या मुद्द्यावरून बराच गदारोळ निर्माण केला होता, परंतु आता केंद्र सरकारने आपल्या अहवालात या विषयावर मौन बाळगल्याने आश्चर्य व्यक्त केलं जातंय.

सहसचिव लव अग्रवाल म्हणाले की, देशातील कोरोना व्हायरसची सक्रिय प्रकरणं आता 4 लाखांपेक्षा कमी झाली आहेत. सध्या देशात 3 लाख 88 हजार 508 सक्रिय प्रकरणं आहेत. सध्या देशात वसुलीचा दर वाढून 97.45 टक्के झाला आहे. गेल्या 24 तासांत देशात कोरोनाचे 28 हजार 204 नवीन प्रकरणं नोंदवण्यात आली आहेत.

दरम्यान देशातील 37 जिल्ह्यांमध्ये करोनाचे रुग्ण वाढताना दिसतायत. यापैकी केरळमध्ये जास्तीत जास्त 11 जिल्ह्यांचा समावेश आहे. गेल्या आठवड्यात, केरळमधून 51.51% प्रकरणं नोंदवण्यात आली होती. लव अग्रवाल म्हणाले की, प्रत्येकाने हे समजून घेणं आवश्यक आहे की, कोरोनाच्या दुसरी लाट येणं ही मोठी समस्या नाही. त्याचा प्रसार हा एक मोठा मुद्दा आहे. म्हणूनच प्रत्येकजण खबरदारी घेतली पाहिजे.