Coronavirus : गाझियाबाद येथे मजुरांच्या गर्दीचे भयावह चित्र समोर

गाझियाबाद : देशातील उर्वरित राज्यांतील गाड्यांद्वारे दिल्लीवरुन (Delhi)  गाझियाबाद येथे दाखल झालेली लोकांची गर्दी सकाळी स्थानिक रामलीला मैदानावर एकत्र झाली आहे. बहुसंख्य कामगार उत्तर प्रदेशच्या दुर्गम भागात जाणारे कामगार आहेत. या सर्वांना रेल्वे आणि बसेसमार्गे गंतव्यस्थान गाठावे लागले. कित्येक तासांच्या प्रयत्नांनंतर जिल्हा आणि पोलिस प्रशासन गर्दीवर काहीप्रमाणात नियंत्रण मिळवू शकलेले आहेत. अनेकांना मार्गस्थ करण्यात आले आहे.

गर्दीतील बहुतेक लोक असे होते जे दिल्लीहून गाझियाबादला आले. गाझियाबाद प्रशासनाने पोलिसांच्या मदतीने या सर्वांना रामलीला मैदानात एकत्र केले. शेकडो लोक जमा झाल्यामुळे जमावाची मोठी गर्दि दिसून आला. रेल्वे स्थानक येईपर्यंत येथे उपस्थित असलेल्या प्रवाशांना हटविणे अशक्य होते. तसेच शेकडो लोकांना बसमार्गे राज्यातील इतर जिल्ह्यात पाठवावे लागले.

अशा परिस्थितीत जिल्हा पोलिस प्रशासन दुपारपर्यंत हळूहळू लोकांना येथून गंतव्यस्थानाकडे वळविण्यात व्यस्त होते. या गर्दीमुळे रामलीला मैदानाच्या परिसरात अनागोंदीचे वातावरण दिसून होते. सोशल डिस्टन्सिंगचे तीन तेरा वाजले. 

या गर्दीबाबात जिल्हा पोलीस अधिकाऱ्यांनी भाष्य केले. काही काळ येथे मोठ्या प्रमाणात गर्दी दिसून येत होती. आता नियंत्रण मिळविण्यात यश आले आहे.  यासंदर्भात जिल्हा पोलिस अधीक्षक कलानिधी नैथानी म्हणाल्या, हो, काही काळ जास्त गर्दी झाली होती. परंतु ही परिस्थिती बेकायदेशीर होती, हे पुरेसे नव्हते. ज्या लोकांना पाठवावे लागलं होते त्यांना गाडी येण्याची वेळ पाहावी लागली. त्यानंतर त्यांना पाठवलं जात होते. हळूहळू लोक त्यांच्या ठिकाणांकडे जात आहेत. गाड्या आणि वाहन उपलब्ध झाल्यानंतर रामलीला मैदानावर गर्दी कमी होऊ लागली.