मिशन चांद्रयान- २ मोहीम, १५ जुलैला अवकाशात झेपावणार

बंगळुरु : मिशन चांद्रयान- २ मोहिमेची तारीख घोषित करण्यात आली आहे. १५ जुलैला पहाटे २.५१ मिनिटांनी चांद्रयान- २ अवकाशात झेपावणार आहेत. इस्रोचे संचालक के. सिवन यांनी ही घोषणा केली. दरम्यान, इस्रोची महत्वाकांक्षी चांद्रयान- २ मोहिमेची चाचणी अखेरच्या टप्प्यात आली असून, तामिळनाडूच्या महेंद्रगिरी आणि बंगळूरूच्या ब्यालालू येथे ही चाचणी सुरु आहे.  

मिशन चांद्रयान या मोहिमेशी संबंधित माहिती देणारी एक संकेतस्थळीही आज लॉन्च करण्यात आले. 'चांद्रयान-१'च्या धर्तीवरच ही संपूर्ण मोहीम असणार आहे. मात्र, चंद्रावर उतरण्याच्या पद्धतीत पूर्णपणे बदल करण्यात आला आहे. प्रेक्षपणासह या संपूर्ण मोहिमेवर ९७८ कोटी रुपये खर्च होतील, असे सिवन यांनी सांगितले. 

चांद्रयान- २ बद्दल

#WATCH Live from Bengaluru: ISRO Chairman addresses the media #Chandrayaan2 https://t.co/ruTEvtcxuu

— ANI (@ANI) June 12, 2019

'चांद्रयान- २'चे लँडर, रोव्हर आणि ऑर्बिटर असे तीन भाग असतील. यानाचे एकूण वजन ३८०० किलो आहे. यापैकी रोव्हरचे वजन २७ किलो आणि लांबी १ मीटर आहे. लँडरचं वजन १४०० किलो आणि लांबी ३.५ मीटर आहे. तसेच ऑर्बिटरचं वजन २४०० किलो आणि लांबी २.५ मीटर आहे.