विधानसभा निवडणूक : 5 राज्यांमधील राजकीय परिस्थिती आणि बदलते समीकरण

मुंबई : देशात पुढील वर्षात होणार्‍या विधानसभा निवडणुका 2022 साठी काउंटडाउन सुरू झाले आहे. राजकीय पक्षांनी निवडणुकीच्या आधी एकमेकांवर आरोप प्रत्यारोप सुरु केले आहेत. कोणत्या राज्यात कोणत्या पक्षाशी हातमिळवणी करावी लागेल, कोणत्या जुन्या शत्रूंना मित्र बनवावे लागतील आणि शेवटच्या क्षणी धक्का देता येईल, या सर्व बाबींवर पडद्यामागून खेळ सुरू झाला आहे. पुढील वर्षी होणाऱ्या विधानसभा निवडणुकाकडे लोकसभेची सेमीफायनल म्हणून पाहिलं जात आहे. 

लोकसभा निवडणुका 2024 दोन वर्षांनी म्हणजेच 2024 मध्ये होणार आहेत. त्यामुळे उत्तर प्रदेशसारख्या मोठ्या राज्यांतील विजयामुळे केंद्रात कोणत्याही पक्षाची सरकार स्थापन होण्याची आशा निर्माण होते.

पुढच्या वर्षी ज्या राज्यात निवडणुका होणार आहेत, त्या बहुतेक राज्यात सध्या भाजपाचे वर्चस्व आहे. अशा परिस्थितीत भाजप पुन्हा एकदा या राज्यांतील सत्ता टिकवून ठेवू शकेल काय, असा प्रश्न आहे. काँग्रेस पक्षासाठी देखील ही महत्त्वाची निवडणूक आहे. 

2022 मध्ये कोणत्या राज्यात निवडणुका होणार आहेत आणि सध्या कोणाचे सरकार आहे यावर एक नजर टाकूया.

1. उत्तर प्रदेश

सध्याचे चित्र : नेहमीप्रमाणेच उत्तर प्रदेशच्या विधानसभा निवडणुकीवर संपूर्ण देशाचं लक्षं असेल. 2017 च्या निवडणुकीत राज्यात भाजपने विक्रमी विजय नोंदविला होता. असे म्हणतात की दिल्लीची सत्ता उत्तर प्रदेशनेच घेतली जाते. म्हणजेच इथे कोणत्याही पक्षाला विजय मिळाला तर त्याचे सरकार दिल्लीत येतेच. त्यामुळे या वेळी येथे भाजप विजयासाठी जोरदार प्रयत्न करेल. मागील वेळी येथे भाजपने 312 जागा जिंकल्या होत्या.

बदलते समीकरणे : राज्यातील निवडणुकीची तयारी आतापासून सुरू झाली आहे. विशेषत: मुख्यमंत्री योगी आदित्यनाथ यांनी पंतप्रधान नरेंद्र मोदी आणि गृहमंत्री अमित शहा यांच्याशी दिल्लीत झालेल्या बैठकीनंतर आता निवडणुकीच्या चर्चा सुरु झाल्या आहेत. दुसरीकडे काँग्रेसचे अनेक नेते भाजपमध्ये जाण्याचा विचार करत आहेत.

2. पंजाब

सध्याचे चित्र - सध्या पंजाबमध्ये कांग्रेसचे सरकार आहे. मागच्या निवडणुकीत भाजप युतीला जोरदार पराभवाला सामोरे जावे लागले होते. काँग्रेसने 77 जागा जिंकल्या होत्या. तर आम आदमी पार्टी दुसर्‍या क्रमांकावर होती. भाजप आणि शिरोमणी अकाली दल युतीने केवळ 15 जागा जिंकल्या होत्या. यावेळी भाजप आणि शिरोमणी अकाली दल यांची युती तुटली आहे.

बदलते समीकरणे : यावेळी पंजाबमध्ये परिस्थिती बदलली आहे. सीएम कॅप्टन अमरिंदर सिंह यांच्याविरोधात काँग्रेसच्याच आमदारांनी मोर्चा उघडला आहे. अशा परिस्थितीत काँग्रेससाठी सर्वप्रथम अंतर्गत लढाई सोडवावी लागेल. दुसरीकडे, पुढच्या वर्षी होणाऱ्या निवडणुकांसाठी अकाली दल आणि बसपाने हातमिळवणी केली आहे. असे म्हटले जात आहे की ही युती दलित घटकांसह काँग्रेसला धक्का देऊ शकते. दुसरीकडे, आप देखील पक्ष मजबूत करीत आहे. त्यामुळे तिहेरी लढत पाहायला मिळणार आहे.

3. गुजरात

पुढील वर्षाच्या अखेरीस गुजरातमध्येही निवडणुका होणार आहेत. मागील निवडणुकीत भाजपाने येथे 99 जागा जिंकल्या होत्या. तर काँग्रेसने 77 जागा जिंकत भाजपला चांगलीच झुंज दिली होती. पुढच्या वर्षी राज्यात काँग्रेसला भाजपकडून सत्ता मिळवता येईल का हे पाहावं लागेल.

4. उत्तराखंड

यावर्षी मार्चमध्ये भाजपने येथे मुख्यमंत्री बदलले. त्रिवेंद्रसिंग रावत यांना मुख्यमंत्रिपदावरून काढून तीरथसिंग रावत यांना कमांड दिली गेली. अशा परिस्थितीत तीरथ सिंह भाजपची सत्ता टिकवून ठेवू शकतील की नाही हे पाहणे औत्सुक्याचे ठरणार आहे. मागील वेळी भाजपने येथे 57 जागा जिंकल्या होत्या.

5. हिमाचल प्रदेश

पुढील वर्षी सप्टेंबर-ऑक्टोबरमध्ये येथे निवडणुका घेण्यात येणार आहेत. सध्या येथे भाजपचे सरकार आहे. 2017 मध्ये भाजपने 44 जागा जिंकल्या होत्या. काँग्रेसला केवळ 21 जागांवर समाधान मानावे लागले होते.