Health : महिलांचे एक स्तन दुसऱ्या स्तनापेक्षा मोठे का असते? यामागचं कारण काय?
Breast Size Difference : महिलांच्या दोन्ही स्तनांचे आकार वेगवेगळे असतात? यामागे काय असू शकतं कारण? डॉ तनाया का सांगतात जाणून घ्या?
)
जगभरातील अनेक गोष्टी आहेत अगदी परफेक्ट असतात. पण महिलांचे स्तन यासाठी अपवाद आहेत. ज्याप्रकारे दोन हात, पाय आणि डोळे यांचा आकार थोड्याफार फरकाने सारखाच असतो. मात्र अनइवन ब्रेस्ट साइज ही अतिशय सामान्य बाब आहे. मात्र हे तेव्हाच लक्षात येते जेव्हा स्तन पूर्णपणे विकसित झालेले असतात. पण यामागे काय कारण आहे? आणि हे कोणत्या आजाराचे लक्षण तर नाही ना?
स्तनांचे छोटे-मोठे आकार का असतात? याबाबत ऑक्सफर्ड यूनिव्हर्सिटी ट्रेन्ड अवॉर्ड विनिंग डॉक्टर आणि ऑथर डॉक्टर तनाया उर्फ डॉक्टरस क्यूटरसने इन्स्टाग्रामवर याबाबत माहिती शेअर केली आहे.
ब्रेस्ट अनइवन साइज भीतिदायक आहे का?
स्तनांचे लहान मोठे आकार असले तर घाबरण्याचे काहीच कारण नाही. जेव्हा स्तन विकसित होत असतात तेव्हा हार्मोनल बदलांमुळे हे फरक पाहायला मिळतात. स्तनांचा आकारच नाही तर रचना देखील वेगवेगळी असते. डॉक्टर तनाया यांच्या म्हणण्यानुसार, ब्रेस्ट साइजमध्ये खूप फरक असू शकतात. कप साइजनुसार तुम्ही स्तनांचे अंतर पाहू शकतात.
कोणत्या कारणांमुळे बदलतात ब्रेस्ट साइज?
- अशा अनेक परिस्थिती आहेत ज्यामुळे पूर्ण वाढ झालेल्या स्तनाचा आकार देखील बदलू शकतो,
- गर्भधारणेमुळे स्तनाच्या आकारात बदल होऊ शकतो. या कालावधीत, कधीकधी स्तन मोठे किंवा लहान होऊ शकतात.
- स्तनपान करताना स्तनाच्या आकारात मोठा बदल होऊ शकतो.
- तुमचे स्तन सुरुवातीपासून असे असू शकतात.
डॉक्टरकडे कधी जाणे गरजेचे?
स्तनांचे वेगवेगळे आकार असणे ही फार मोठी समस्या नाही, परंतु जर तुमच्या स्तनांमध्ये अचानक बदल झाला तर त्याचे कारण काही आजार किंवा हार्मोनल समस्या असू शकते. याचे कारण काही प्रकारचे गळू देखील असू शकते. तुम्हाला हे लक्षात ठेवावे लागेल की गरोदरपणात स्तनामध्ये बदल होतो, परंतु त्याशिवाय हे काही मोठ्या शारीरिक बदलांचे लक्षण असू शकते.
कोणत्या आजारांमध्ये असे होते?
एटिपिकल डक्टल हायपरप्लासिया (ADH) स्तनाच्या ऊतींच्या पेशींमध्ये बदल घडवून आणते. जेव्हा स्तनाच्या आतील दुधाच्या नलिका जास्त प्रमाणात वाढू लागतात तेव्हा असे होते.
- स्तनाच्या आत काही प्रकारचे गळू तयार होऊ शकतात.
- स्तनाच्या नलिकांची वाढ देखील कमी होऊ शकते. याला हायपोप्लासिया म्हणतात.
- कधीकधी हार्मोनल समस्यांमुळे स्तनाचा आकार देखील बदलतो.
- काही प्रकारच्या औषधांचा स्तनांवर परिणाम होऊ शकतो.
मोठे स्तन हे कोणत्याही आजाराचे लक्षण आहेत का?
जर स्तनाचा आकार सुरुवातीपासून असाच असेल तर त्यात काही अडचण नाही, पण जर तुमच्या स्तनांमध्ये कमी कालावधीत खूप बदल होत असतील तर ही चिंतेची बाब आहे. अशा परिस्थितीत, आपण डॉक्टरांशी संपर्क साधावा. हे शक्य आहे की अशा प्रसंगी, स्तनाचा आकार केवळ हार्मोनल बदलांमुळे बदलत आहे, परंतु इतर काही कारणे देखील असू शकतात.