युरिक ऍसिडचा त्रास होतोय? रिकाम्या पोटी प्या पिवळं पाणी, लघवीवाटे निघून जाईल सगळी घाणं

Home Remedies For Uric Acid: आजकाल खाण्यापिण्याच्या चुकीच्या सवयी आणि खराब जीवनशैलीमुळे लोकांमध्ये यूरिक ॲसिडची समस्या सामान्य झाली आहे. वास्तविक, यूरिक ऍसिड हा शरीरात एक टाकाऊ पदार्थ असतो, जो प्युरीन नावाच्या रसायनाच्या विघटनाने तयार होतो. साधारणपणे, किडनी शरीराबाहेर फिल्टर करते. पण जेव्हा किडनी व्यवस्थित काम करत नाही, तेव्हा ते सांध्याभोवती क्रिस्टल्सच्या स्वरूपात जमा होऊ लागते. त्यामुळे सांध्यांना दुखणे, सूज येणे, चालताना त्रास होणे अशा समस्यांना सामोरे जावे लागते. अशा स्थितीत युरिक ॲसिडवर नियंत्रण ठेवणे खूप महत्त्वाचे ठरते. शरीरातील यूरिक ॲसिडची पातळी नियंत्रित ठेवण्यासाठी तुम्ही तुमचा आहार आणि जीवनशैली बदलली पाहिजे. याशिवाय काही घरगुती उपायांनीही यूरिक ॲसिडवर नियंत्रण ठेवता येते. आज या लेखात आम्ही तुम्हाला अशाच एका प्रभावी घरगुती उपायाबद्दल सांगणार आहोत, ज्यामुळे तुम्हाला युरिक ॲसिडची पातळी कमी करता येऊ शकते. 

हळदीचे पाणी कसे फायदेशीर आहे? 

हळदीच्या पाण्याचे सेवन शरीरातील यूरिक ऍसिडची पातळी कमी करण्यासाठी खूप फायदेशीर ठरू शकते. यामध्ये अँटीबायोटिक आणि अँटी-इंफ्लेमेटरी गुणधर्म आढळतात, जे शरीराला अनेक आजारांपासून वाचवण्यास मदत करतात. याशिवाय यामध्ये कर्क्युमिन नावाचे संयुग आढळते, जे सांधेदुखी आणि सूज कमी करण्यास मदत करते. हळदीचे पाणी नियमित सेवन केल्याने शरीरातील वाढलेले यूरिक ऍसिड कमी होण्यास मदत होते. याव्यतिरिक्त, संधिवात आणि ऑस्टियोपोरोसिस सारख्या रोगांचा धोका देखील कमी होतो.

हळदीचे पाणी कसे बनवायचे? 

हळदीचे पाणी तयार करण्यासाठी एक ग्लास कोमट पाण्यात दोन चिमूटभर हळद टाकून चांगले मिसळा. दररोज सकाळी रिकाम्या पोटी याचे सेवन केल्यास यूरिक ऍसिड नियंत्रित ठेवण्यास मदत होते. याशिवाय आरोग्यासाठी इतर काही फायदेही होतील.

हे घरगुती उपाय फायदेशीर 

• युरिक ॲसिड वाढल्यास नियमित पाणी पिण्यास सुरुवात करा. पाणी पिण्याने शरीरातील विषारी पदार्थ आणि युरिक ऍसिड फिल्टर होण्यास मदत होते.
• गोड खाणे टाळा आणि साखरेने भरपूर पदार्थ खाणे टाळा. त्यात फ्रक्टोज असते ज्यामुळे यूरिक ऍसिड तसेच मधुमेह होतो.
• ग्रीन टी प्यायल्याने युरिक ॲसिड कमी होण्यास मदत होते. सकाळी आणि संध्याकाळी ग्रीन टी प्या.
• हिरव्या भाज्या आणि बीन्स आपल्या आहाराचा भाग बनवा. मसूर, पिंटो बीन्स, सूर्यफुलाच्या बिया खाणे देखील फायदेशीर आहे.
• उच्च फायबरयुक्त पदार्थ देखील यूरिक ऍसिड कमी करण्यासाठी प्रभावी आहेत. अशा परिस्थितीत ओट्स, सफरचंद, पेरू इत्यादी खाऊ शकता.
• तुमच्या आहारात व्हिटॅमिन सी असलेल्या संत्रा, लिंबू आणि बेरीसारख्या गोष्टींचा समावेश करा.