रक्तातील खराब कोलेस्टेरॉल काढून टाकण्यासाठी आहारात या गोष्टींचा करा समावेश

मुंबई : कोलेस्ट्रॉल ही आजकाल गंभीर समस्या बनली आहे. तुम्ही खाल्लेल्या अयोग्य गोष्टी आणि बैठी जीवनशैली यामुळे शरीरात 'बॅड कोलेस्ट्रॉल' तयार होऊ लागते. कोलेस्टेरॉलचे दोन प्रकार आहेत. चांगले आणि वाईट. चांगले कोलेस्टेरॉल पेशी तयार करण्यासाठी आणि जीवनसत्त्वे आणि इतर हार्मोन्स तयार करण्यासाठी आवश्यक आहे तर खराब कोलेस्टेरॉल शरीराचे अनेक प्रकारे नुकसान करते. (removing the bad cholesterol from the blood with this diet and food)

खराब कोलेस्ट्रॉलमुळे हृदयविकाराचा धोका

खराब कोलेस्टेरॉलमुळे हृदयविकाराचा झटका आणि स्ट्रोकचा धोका वाढू शकतो. खराब कोलेस्टेरॉल रक्तवाहिन्यांमध्ये जमा होऊन ते ब्लॉक करू शकते, ज्यामुळे शरीरातील रक्त परिसंचरण मंद होऊ शकते. तुम्ही धूम्रपान करत असाल आणि उच्च रक्तदाब किंवा मधुमेहाचे रुग्ण असाल तर तुमचा धोका आणखी वाढतो.

डाळींचा आहारात करा समावेश

आहारात अशा गोष्टींचा समावेश करावा लागेल, ज्यामुळे तुमच्या शरीरातील खराब कोलेस्ट्रॉल निघून जाईल. यासाठी डाळींचा आहारात समावेश करावा. सर्व प्रकारच्या डाळींमध्ये सॅच्युरेटेड फॅटचे प्रमाण खूपच कमी असते. त्यात कोलेस्ट्रॉल कमी करणारे फायबर जास्त असते. वेगवेगळ्या प्रकारच्या डाळींमध्ये प्रथिनांचे प्रमाण वेगवेगळे असते. अशा परिस्थितीत खराब कोलेस्ट्रॉल दूर करण्यासाठी डाळी फायदेशीर ठरू शकतात.

बदाम देखील उपयुक्त

कोलेस्ट्रॉल कमी करण्यासाठी बदाम देखील रामबाण उपाय ठरू शकतो हे फार कमी लोकांना माहीत आहे. कोलेस्ट्रॉल कमी करण्यासाठी बदाम हे एक चांगले आणि आरोग्यदायी ड्रायफ्रूट आहे. यामध्ये हेल्दी फॅट असते, जे हृदयाला तंदुरुस्त ठेवते.

आहारात ओट्सचा करावा समावेश

जर तुमचे कोलेस्ट्रॉल वाढले असेल तर ते कमी करण्यासाठी तुम्ही ओट्सचे सेवन करू शकता. ओट्स हा एक पदार्थ आहे जो कोलेस्ट्रॉल कमी करतो.