चारचौघात मुलं रडतात आणि हट्ट करुन गोंधळ घालतात? पालकांनी 'ही' परिस्थिती कशी सांभाळावी?

अनेक वेळा तुम्ही मॉल्स, फॅमिली फंक्शन्स किंवा कोणत्याही रेस्टॉरंटमध्ये मुलांना रडताना किंवा ओरडताना पाहिले असेल. मुलाच्या या वागण्यामुळे प्रत्येक पालकांना लाजिरवाणेपणाला सामोरे जावे लागते. पालकांना आपल्या मुलाचा राग सहन करणे सोपे नाही. जेव्हा तुम्ही सार्वजनिक ठिकाणी असता तेव्हा तुमच्याकडे त्याला शांत करण्यासाठी फारसे पर्याय नसतात. या स्थितीला पब्लिक मेल्टडाउन म्हणतात.

अशा परिस्थितीत अनेक पालक संतापतात आणि मुलाला ओरडतात आणि मारतात. नॅशनल ऑटिस्टिक सोसायटी (NAS) च्या मते, जेव्हा मूल खूप तणावाखाली असते आणि स्वतःवरील नियंत्रण गमावते आणि गोंधळ घालू लागते. या अवस्थेत, मुल किंचाळणे, रडणे, मारणे आणि अनेक प्रकरणांमध्ये स्वतःला शारीरिक इजा देखील करते. येथे नमूद केलेल्या पद्धती पालकांना त्यांच्या मुलांवर नियंत्रण ठेवण्यास मदत करू शकतात.

शांत राहा 

जेव्हा तुमचे मूल सार्वजनिक ठिकाणी या स्थितीचा सामना करत असेल तेव्हा शांत राहणे हाच उत्तम उपाय आहे. रागावणे किंवा ओरडणे केल्याने परिस्थिती बिघडू शकते. म्हणून, काहीही न करता, प्रथम दीर्घ श्वास घ्या आणि आपल्या तणावावर नियंत्रण ठेवण्याचा प्रयत्न करा. तुमची शांत वृत्ती मुलाला थंड होण्यास मदत करेल.

मुलांच लक्ष दुसरीकडे हटवा 

मुलगा जर राग राग करत असेल तर सर्वात अगोदर त्याचं लक्ष हटवा. त्याचे लक्ष विचलित करण्यासाठी, आपण त्याला त्याचे आवडते खेळणी देऊ शकता किंवा त्याला त्याचे आवडते पदार्थ देऊ शकता. असे केल्याने, मुलं काही वेळातच तो का रागावला होता हे विसरेल आणि तुमच्याशी सामान्य होईल.

मुलांच्या भावना समजून घ्या 

मुलांमध्ये मेल्टडाऊनची सुरुवात 18 महिन्यापासून होते. लहान मुले त्यांच्या गरजा व्यक्त करू शकत नाहीत, म्हणून ते ओरडणे आणि रडणे यासारख्या भावनांचा अवलंब करतात. पालकांनी प्रथम त्यांच्या भावना समजून घेणे आणि त्यांना सांगणे चांगले आहे - 'मला माहित आहे की तू रागावला आहेस.' त्यांच्याबद्दलची तुमची सहानुभूती ही स्थिती हाताळण्यास मदत करू शकते.

मिठी मारा 

अशा परिस्थितीत, मुलाला आश्वस्त आणि शारीरिक स्पर्श आवश्यक आहे. त्यामुळे जेव्हा जेव्हा त्याचा राग अनियंत्रित होईल तेव्हा त्याला मिठी मारावी. राग शांत होऊ शकतो. यानंतर त्याच्या पाठीवर थाप द्या. घाई करू नका, कारण मुलाला थंड होण्यास वेळ लागू शकतो.