मुलांवर कोरोना प्रतिबंधात्मक लसीचा 'साइ़ड इफेक्ट', अभ्यासात उघड

मुंबई : कोरोनाचा वाढता धोका पाहता केवळ लस हेच त्याच्याशी लढण्याचे एकमेव शस्त्र मानले जात आहे. अधिकाधिक लसीकरणावर भर दिला जात आहे. जेणेकरून या संसर्गाचा सामना करता येईल. जगातील अनेक देशांमध्ये बालकांना लसीकरण करण्यास मान्यता देण्यात आली आहे. दरम्यान, आता प्रश्न उपस्थित होत आहे की कोरोनाची लस लहान मुलांसाठी सुरक्षित आहे का? हा प्रश्न उद्भवत आहे कारण यूकेमध्ये अशी अनेक प्रकरणे समोर आली आहेत, ज्यामध्ये लस घेतल्यानंतर मुलांना हृदयविकाराचा त्रास झाला आहे.

लस घेतल्यानंतर हृदयविकाराचे आजार 

एका अहवालानुसार, कोरोनाची लस घेतल्यानंतर किशोरवयीन मुलांमध्ये हृदयविकाराच्या समस्या दिसून आल्या आहेत. कोरोनाच्या ओमायक्रॉन प्रकारांच्या वाढत्या प्रादुर्भावादरम्यान, 12-15 वर्षे वयोगटातील लाखो मुलांना कोरोनाचा दुसरा डोस मिळू लागला आहे. परंतु एका संशोधनात, काही किशोरवयीन मुलांमध्ये हृदयविकाराचे संकेत सर्वांचीच चिंता वाढवत आहेत.

लस घेतल्यानंतर मुलांमध्ये मायोकार्डिटिसची लक्षणे चिंतेचा विषय बनली

अहवालानुसार, यूकेमध्ये लस घेतल्यानंतर, मुलांमध्ये मायोकार्डिटिसची लक्षणे दिसून आली आहेत. जिथे हृदयाच्या स्नायूंना सूज येते.  ज्यामुळे छातीत दुखते आणि श्वास घेण्यास त्रास होतो. अहवालात असे म्हटले आहे की स्त्रियांपेक्षा पुरुषांना मायोकार्डिटिसचा त्रास होण्याची शक्यता जास्त असते.