विकी कौशलचा 'द ग्रेट इंडियन फॅमिली' या दिवशी होणार प्रदर्शित!

मुंबई : 'यश राज फिल्म्स'ची आगामी कलाकृती द ग्रेट इंडियन फॅमिली मध्ये विकी कौशलची मुख्य भूमिका आहे. विजय शंकर आचार्य यांच्या दिग्दर्शनाखाली तयार झालेला हा सिनेमा यावर्षी 22 सप्टेंबर रोजी सिनेमागृहात प्रदर्शनासाठी सज्ज आहे.

विकी कौशल याचा नुकताच प्रदर्शित झालेला जरा हटके जरा बचके तुफान गाजला, त्यामळे तो सध्या आपल्या करियरमध्ये  ऊंचीच्या शिखरावर आहे. त्यानंतर विकी या कौटुंबिक मनोरंजनपटाकडे वळला. या सिनेमाची कथा भारताच्या हृदयस्थळात घडते आणि विकीच्या कुटुंबाभोवती फिरणारी आहे. कथेतील परिस्थितीनुरूप घोटाळा नियंत्रणाबाहेर जातो आणि कथेची रंगत वाढते!

विकी आपल्या सिनेमाच्या प्रदर्शनाची तारीख घोषित करताना व्हीडिओमध्ये त्याच्या धमाल कुटुंबाची ओळख प्रेक्षकांना करून देतो. हा सिनेमा लहान-थोर, सर्वांसाठी मजेची पर्वणी आहे. विकी कौशल या अभिनेत्याचा आपल्या देशात मोठा चाहता वर्ग आहे, त्याने उरी, मसान, राझी, संजू, सरदार उधम, मनमर्जीयां, जरा हटके जरा बचके अशा सिनेमांत उत्तम अभिनय साकारला!

आज हिंदी सिनेक्षेत्र सर्वोत्तम कंटेंटवर आधारीत आहे, विकी कौशल याने निवडलेले सिनेमे पाहिल्यास त्याचा कल कायमच उत्तम संहितांकडे असलेला दिसतो. अलीकडे प्रेक्षकांना चांगला सिनेमा पाहायचा असतो, द ग्रेट इंडियन फॅमिली ही नक्कीच एक अशी फिल्म ठरेल. विकी कौशलसारख्या हरहुन्नरी अभिनेत्यामुळे चांगला सिनेमा चर्चेत असेल!

द ग्रेट इंडियन फॅमिली विकी कौशल आणि मानुषी छिल्लर 'द ग्रेट इंडियन फॅमिली' प्रेक्षकांसमोर आणत आहेत. यशराज प्रॉडक्शनमध्ये बनलेल्या या चित्रपटाची पहिली झलक समोर आली आहे, जी तुम्हाला प्रत्येक कौटुंबिक चित्रपटाची आठवण करून देते. या चित्रपटाचे दिग्दर्शन विजय कृष्ण आचार्य यांनी केले आहे.