वडापाव विक, म्हणणाऱ्यांना ‘या’ अभिनेत्याचं झणझणीत उत्तर
तो चाहत्यांशी संवाद साधत असतो आणि हो, ट्रोलर्सना सडेतोड उत्तरही देत असतो.
)
मुंबई: सोशल मीडियावर बऱ्यापैकी सक्रिय असणाऱ्या कलाकारांची नावं घेण्यास सांगितलं असता अनेकांच्या तोंडी पहिलं नाव येतं ते म्हणजे अभिनेता अभिषेक बच्चन याचं. अभिषेक नेहमीच सोशल मीडियाच्या माध्यमातून आपल्या आगामी चित्रपटांविषयी माहिती देत असतो, चाहत्यांशी संवाद साधत असतो आणि हो, ट्रोलर्सना सडेतोड उत्तरही देत असतो. सध्याही ट्विटरवर त्याचं हेच रुप पाहायला मिळालं आहे.
काही दिवसांपूर्वीच तो ‘मनमर्जियाँ’ या चित्रपटातून प्रेक्षकांच्या भेटीला आला. बऱ्याच दिवसांनंतरच्या त्याच्या या चित्रपटाला समीक्षक आणि प्रेक्षकांनी पसंती दिली नाही.
अभिषेकच्या वाट्याला सातत्याने आलेल्या या अपयशामुळे नेटकऱ्यांनी त्याला लगेचच निशाण्यावर घेतलं. काही युजर्सनी तर त्याला अभिनय सोडून वडापाव विकण्याचा फुकाचा सल्लाही दिला.
#Manmarziyaan tanked at box-office, once again proving @juniorbachchan to be legend with amazing ability to make good film a flop! Kudos to his abilities, not many have it!
It time to end #nepotism and for #StarKids to start #Vadapav stall..lol! #Stree proves #TalentCounts!! pic.twitter.com/mFdJTZ0ERA— drharshavardhankale (@DrHarshKale) September 25, 2018
चांगल्या चित्रपटालाही अपयशी करण्याची पात्रता अभिषेककडे आहे, असं उपरोधिक ट्विट करत त्याने वडापावची गाडी सुरु करावी असं त्या युजरने आपल्या ट्विटमध्ये लिहिलं.
With all due respect kind sir, I would expect an esteemed doctor such as yourself to study all the facts and figures before proclaiming anything. I certainly hope you do so with your patients. Learn the economics of the film before you tweet something that will embarrass you.
— Abhishek Bachchan (@juniorbachchan) September 26, 2018
डॉ. हर्षवर्धन काळे या युजरच्या ट्विटला ज्युनिअर बच्चनने आपल्या शैलीत उत्तर देत इतर टीकाकारांनाही थेट शब्दांत सुनावलं असं म्हणणं वावगं ठरणार नाही.
‘मी तुमचा आदर करतो. पण, तुमच्यासारख्या डॉक्टरांनी निदान काही वक्तव्य करण्यापूर्वी सर्व गोष्टी (चित्रपटाच्या कमाईचे आकडे) नीट तपासून पहाव्यात. चित्रपटाच्या व्यवसायाविषयी थोडी माहिती करुन घ्या जेणेकरुन पुढच्या वेळी तुम्ही तोंडघशी पडणार नाही, असं त्याने लिहिलं.
And for your kind information ( and I'm sure all vada pav stall owners will agree) there is great dignity in owning and running a vada pav stall. It's called dignity of labour. Try not to be so patronising about another professional. We are all doing our best.
— Abhishek Bachchan (@juniorbachchan) September 26, 2018
अभिषेकचं हे ट्विट पाहता त्याच्या अपयशाची खिल्ली उडवणाऱ्यांनाही उत्तर मिळालंच आहे, असं म्हणणं वावगं ठरणार नाही.