कोर्टात पोहोचल्यानंतर जज समोर सलमान काय बोलला?

जोधपूर : जोधपूर येथील काळवीट शिकार प्रकरणी अभिनेता सलमान खान याला दोषी ठरविण्यात आले आहे. अन्य कलाकार निर्दोष मुक्तता करण्यात आली आहे. काळवीट शिकार प्रकरणात अभिनेता सलमान खान याला जोधपूरमधील न्यायालयाने दोषी ठरविले आहे. मात्र, अभिनेत्री सोनाली बेंद्रे, तब्बू, नीलम आणि अभिनेता सैफ अली खान या निर्दोष ठरविण्यात आले आहे.

काय बोलला सलमान

कोर्टात पोहोचल्यानंतर जज समोर मी निर्दोष असल्याचं सलमान खानने म्हटलं आहे. कोर्टात सलमान खानच सर्वात आधी पोहोचला. यावेळी त्याच्या सोबत अलवीरा आणि अर्पिता देखील उपस्थित होत्या.

२० वर्षा पूर्वीचं प्रकरण

वीस वर्षांपूर्वी ‘हम साथ साथ है’ या चित्रपटाच्या चित्रीकरणाच्या सलमान आणि अन्य कलाकार राजस्थानमध्ये गेले होते. १- २ ऑक्टोबर १९९८ च्या मध्यरात्री दोन काळवीटांची सलमानने शिकार केली होती. निकालाच्यावेळी सलमान याच्यासह सैफ अली खान, नीलम, तब्बू आणि सोनाली बेंद्रे  उपस्थित होते. या प्रकरणात सलमानवर वन्यजीव संरक्षण कायद्याच्या कलम ५१ खाली गुन्हा दाखल  करण्यात आला होता