Bollywood Actresses Mangalsutra : प्रियंका ते अगदी पत्रलेखापर्यंत, एवढ्या महागड्या मंगळसुत्रांना पसंती

मुंबई : बॉलिवूडमध्येही लग्नसराई दिसतेय. अनेक कलाकार एकापाठोपाठ लग्नबंधनात अडकत आहेत. असं असताना बॉलिवूड कपल्ससोबतच अभिनेत्रींच्या मंगळसुत्राची जोरदार चर्चा रंगली आहे. बॉलिवूड अभिनेत्रींचा ट्रेंड अनेक कलाकार फॉलो करतात. यावेळी त्यांच्या मंगळसुत्रांना अधिक पसंती असते. 

बॉलीवूड सेलिब्रिटींच्या लग्नाच्या ठिकाणांपासून ते त्यांच्या डिझायनर पोशाखांपर्यंत सर्व काही अतिशय खास असतं. लग्नाची सर्वात खास आणि पवित्र गोष्ट म्हणजे मंगलसूत्र... हिंदू धर्मात मंगळसुत्राला अनन्यसाधारण महत्व आहे. बॉलिवूड अभिनेत्री मंगळसुत्र निवडताना संस्कृती आणि फॅशनचा सुंदर मेळ घालताना दिसतात. 

पत्रलेखा 

पत्रलेखाचे नुकतेच बॉलिवूड अभिनेता राजकुमार रावसोबत ग्रॅण्ड वेडिंग पार पडले. लग्नानंतर पत्रलेखा मुंबई विमानतळावर दिसली, जिथे तिने तिच्या मंगळसुत्र शेअर केलंय. पत्रलेखाचे मंगळसूत्र हे कोणतेही सामान्य मंगळसूत्र नव्हते, तर ते प्रसिद्ध डिझायनर सब्यसाची यांनी डिझाइन केले होते, ज्याची किंमत 1,65,000 रुपये आहे. 

प्रियंका चोप्रा 

ग्लोबल स्टार प्रियांका चोप्राने 2018 मध्ये निक जोनाससोबत ग्रँड वेडिंग केले होते. प्रियांकाचे लग्न हे बॉलिवूडमधील सर्वात मोठ्या लग्नांपैकी एक होते. अभिनेत्रीने तिच्या लग्नात सब्यसाचीचे डिझायनर मंगळसूत्र परिधान केले होते, ज्याची किंमत करोडोंमध्ये असल्याचे सांगितले जाते.

दीपिका पदुकोण 

बॉलिवूड अभिनेत्री दीपिका पदुकोणच्या लग्नात तिच्या आउटफिट्सपासून ते दागिन्यांपर्यंत बरीच चर्चा झाली होती. दीपिकाने आपल्या लग्नात सर्व काही खास ठेवले होते. अभिनेत्रीच्या लग्नात रणवीर सिंगने परिधान केलेल्या मंगळसूत्राची किंमत 20 लाख रुपये आहे. रणवीर सिंह आणि दीपिका पदुकोण 2018 साली विवाहबद्ध झाले. लग्नानंतर दीपिका जवळपास 20 लाख रुपयांच्या मंगळसूत्रात दिसली होती.

काजोल 

काजोल ही त्याचा सहकारी अभिनेता अजय देवगणची पत्नी आहे. काजोलच्या मंगळसूत्राची किंमत 21 लाख रुपये असल्याचे सांगण्यात येत आहे. बॉलिवूड अभिनेत्री काजोलने तिचे कुटुंबीय आणि जवळच्या मित्रांच्या उपस्थितीत अजय देवगणसोबत लग्न केले. अभिनेत्रीने लग्नात स्वतःसाठी खास आणि मौल्यवान मंगळसूत्र निवडले.

ऐश्वर्या राय बच्चन 

2007 मध्ये ऐश्वर्या राय अभिषेक बच्चनची वधू बनली होती. ऐश्वर्याचे मंगळसूत्र तीन हिऱ्यांचे होते, ज्याची किंमत ४५ लाख असल्याचे सांगण्यात आले. बॉलिवूडची सर्वात सुंदर अभिनेत्री ऐश्वर्या राय बच्चन हिने 2007 मध्ये अभिषेक बच्चनसोबत लग्न केले. रिपोर्ट्सनुसार, अभिनेत्रीने 45 व्या वर्षी लग्न केले.

करिश्मा कपूर 

करिश्मा कपूरने बिझनेसमन संजय कपूरसोबत लग्न केले. घटस्फोट घेतल्यानंतर आता दोघेही वेगळे झाले आहेत. करिश्मा कपूरच्या मंगळसूत्राची किंमत सुमारे १७ लाख रुपये होती.

अनुष्का शर्मा 

अनुष्का शर्माने २०१७ मध्ये विराट कोहलीसोबत लग्न केले. अनुष्का शर्माने 52 लाख रुपयांचे मंगळसूत्र घातले होते.

शिल्पा शेट्टी 

शिल्पा शेट्टीने राज कुंद्रासोबत ग्रँड वेडिंग केले होते. त्यांच्या लग्नात पोशाखांपासून ते दागिन्यांपर्यंत सर्व काही रॉयल होते. वृत्तानुसार, शिल्पाला मौल्यवान भेटवस्तू देऊन खास वाटणाऱ्या राज कुंद्राने लग्नात अभिनेत्रीला सुमारे 30 लाख रुपयांचे मंगळसूत्र घातले होते.