'पोश्टर बॉईज'फेम अभिनेत्याविरोधात पत्नीची तक्रार, कौटुंबीक हिंसाचार प्रकरण
अभिनेत्याच्या चॉकलेट बॉय प्रतिमेला मोठा धक्का
)
मुंबई : अभिनेता अनिकेत विश्वासराव विरोधात पत्नीकडून गुन्हा दाखल करण्यात आला आहे. कौटुंबिक हिंसाचार आणि मारहाण केल्या प्रकरणी अलंकार पोलीस स्टेशनमध्ये गुन्हा दाखल करण्यात आला आहे. मराठी चित्रपटसृष्टीतील प्रसिद्ध अभिनेता अनिकेत विश्वासरावसह सासू, सासरे यांच्याविरोधात पत्नी स्नेहाने गुन्हा दाखल केला आहे.
कौटुंबिक हिंसाचार आणि मारहाण केल्या प्रकरणी पुण्यातील अलंकार पोलिस स्टेशनमध्ये गुन्हा दाखल करण्यात आला आहे. पती अभिनेता अनिकेत विश्वासराव,सासरे चंद्रकांत विश्वासराव आणि सासू अदिती विश्वासराव या तिघा विरोधात सून स्नेहा विश्वासराव यांनी तक्रार दिली.
पोलिसांनी दिलेल्या माहितीनुसार, फिर्यादी स्नेहा अनिकेत विश्वासराव यांना पती अनिकेत विश्वासराव याने 10 डिसेंबर 2018 ते 2 फेब्रुवारी 2021 या तीन वर्षाच्या काळात सिनेमा सृष्टीत आपल्यापेक्षा पत्नीच नाव मोठ होईल.या भीतीपोटी वेळोवेळी नातेवाईकांसमोर अपमानास्पद वागणूक देणे,गळा दाबून जीवे मारण्याचा प्रयत्न देखील करण्यात आला.
या पार्श्वभूमीवर पत्नी स्नेहा दिलेल्या तक्रारीवरून पती अभिनेता अनिकेत विश्वासराव,सासरे चंद्रकांत विश्वासराव आणि सासू अदिती विश्वासराव यांच्या विरोधात कौटुंबिक हिंसाचार आणि मारहाण केल्या प्रकरणी गुन्हा दाखल करण्यात आला आहे.
अभिनेता अनिकेत विश्वासराव आणि अभिनेत्री स्नेहा चव्हाणने डिसेंबर २०१८ मध्ये लग्नगाठ बांधली होती. सोशल मीडियावर त्यांच्या लग्नाचे काही फोटो व्हायरल झाले होते.