देवमाणूस : डिंपल आहे 'या' अभिनेत्याची जबरा फॅन

मुंबई : दिवाळी विशेष मागच्या भागात आपण पाहिलं कि महाराजा प्रदीप सिंग उर्फ बच्चू जोशी यांची हवा येऊ द्या च्या मंचावर एन्ट्री झाली आणि त्यांनी सर्व कलाकारांना बंदी बनवून राजाला हसवण्याचा शिक्षा दिली. हा राजा आता प्रत्येक आठवड्यात प्रत्येक भागात समोरच्या सिंहासनावर बसून कॉमेडीचा आनंद घेईल, आणि दिलखुलास मजा करताना दिसेल. ह्या

आठवड्यात चला हवा येवू दया च्या मंचावर हजेरी लावली ती 'देवमाणूस' मधील डॉक्टर अजित आणि डिम्पल, 'अग्गबाई सासूबाई' मधील बबड्या आणि शुभ्रा, 'तुझ्यात जीव रंगला' मधील राणा आणि अंजली यांनी. यावेळी महाराजा प्रदीप सिंग उर्फ बच्चू जोशी ची खूप मोठी फॅन असलेली ‘अस्मिता देशमुख’ म्हणजेच सर्वांची लाडकी 'देवमाणूस' मधील डिम्पल हिने स्वप्नील जोशी सोबत 'टिक टिक वाजते डोक्यात' ह्या गाण्यावर डान्स केला आणि त्याच्यासाठी 'गुंतलेला श्वास हा' हे गाणं देखील म्हटलं.

यावेळी हवा येऊ द्या मधील कलाकारांनी 'देवमाणूस आणि अग्गबाई सासूबाई' या मालिकांच स्पूफ सादर करून एकचं हास्य धमाका उडवून दिला. हवा येऊ द्या च्या नवीन फार्महाऊस मधून एक विमान उडत आहे, ज्यात आपल्या झी मराठीचे कलाकार अडकले आहेत, त्यांच्या अतरंगी फॅन्स बरोबर पुढे काय होणार, हे कॉमेडीचं विमान कुठे लँड करणार, त्यासाठी पाहायला विसरू नका हास्याने लोटपोट करणारे हवा येऊ द्या चे हे मजेशीर भाग २३ ते २५ नोव्हेंबर रात्री ९.३० ते १०.३० फक्त आपल्या झी मराठीवर.