Coronavirus मधून ठणठणीत झालेल्या Kanika Kapoor ने घेतला मोठा निर्णय

मुंबई : कोरोना व्हायरसपासून (Coronavirus)  बरे झालेली बॉलिवूड गायक कनिका कपूरने  (Kanika Kapoor)  मोठा निर्णय घेतला आहे. दरम्यान, कोरोनाव्हायरसची लागण झाल्याच्या वृत्ताला एका महिन्यापेक्षा जास्त काळानंतर कनिका कपूरने तोंड उघडले आहे. तिने आपल्यावरील आरोपांबाबत प्रथमच भाष्य केले आहे. अलीकडेच कनिका कपूर हिच्यावर दुर्लक्ष केल्याचा आणि कोरोना विषाणूबद्दलचे सत्य लपवल्याचा आरोप करण्यात आला होता, पण आता कनिकाने स्पष्ट केले आहे. तिच्या प्रवासाच्या इतिहासाविषयी अनेक चुकीची माहिती पसरवली गेली आहे. आता कनिकाशी संबंधित आणखी एक मोठी बातमी येत आहे.

एका रिपोर्टनुसार, कोरोना विषाणूपासून बरे झाल्यानंतर कनिका कपूरने तिचा प्लाझ्मा दान करण्याचा निर्णय घेतला आहे. जेणेकरुन त्याचा उपयोग कोरोनाच्या रुग्णांवर सहज उपचार करता येतील आणि इतर जीव तिच्या प्लाझ्मापासून वाचू शकतील. आमच्या सहयोगी वेबसाइट डीएनएच्या रिपोर्टनुसार किंग जॉर्ज मेडिकल युनिव्हर्सिटी (केजीएमयू), लखनऊ येथील डॉक्टरांची टीम कनिकाच्या रक्ताच्या नमुन्याची तपासणी करेल आणि कोझीड -१९  रुग्णांच्या उपचारांसाठी तिच्या प्लाझ्माचा वापरण्यात येईल. रक्ताच्या नमुन्याच्या तपासणीनंतर तिचा प्लाझ्मा उपचारासाठी योग्य आहे की नाही हे स्पष्ट होईल.

या चाचणीसाठी एक नमुना घेण्यासाठी डॉक्टर कनिकाच्या घरी जातील. कनिका आज किंवा उद्या एखाद्या क्लिनिकमध्ये प्लाझ्मा दान करेल. कोरोनामधून मुक्त झाल्यानंतर कनिकाला  ६ एप्रिल रोजी संजय गांधी पोस्टग्रॅज्युएट मेडिकल सायन्सेस (पीजीआयएमएस) मधून डिस्चार्ज मिळाला आणि घरी अलिप्त राहण्यास सांगितले आहे. बॉलिवूडमध्ये, कनिका ही एकमेव कोरोना पॉझिटिव्ह नव्हती, तर अभिनेता जोआ मोरानी, ​​तिचे वडील करीम मोरानी आणि बहीण शाजा मोरानीसुद्धा कोरोना पॉझिटिव्ह असल्याचे आढळले आहे, असे असले तरी त्यापैकी कोणीही बरे झाल्यानंतर प्लाझ्मा डोनेट करण्याबद्दल बोलले नाही.

अलीकडेच कनिका कपूरनेही एका इंस्टाग्रामवर एक पोस्ट लिहिली आहे, माझ्याबद्दल अनेक अफवा आणि गोष्टी चरल्या गेल्या आहेत. मी शांत राहिल्याने त्या अधिक रंजक करुन सांगितल्या गेल्या. कनिका म्हणाली, "मी माझ्या आईवडिलांसोबत काही चांगला वेळ घालवण्यासाठी लखनऊ येथे घरी आहे. माझ्या संपर्कात आलेल्या व्यक्ती यूके, मुंबई किंवा लखनऊमधील असून त्यांच्या कोरोना चाचणी निगेटिव्ह आली आहे.