नाना पाटेकरांना सुपरस्टार बनवणारा दिग्दर्शक कोण? दिलेत क्रांतिवीर-तिरंगा सारखे सुपरहिट चित्रपट

Nana Patekar : नाना पाटेकर हे बॉलिवूड फिल्म इंडस्ट्रीचे ज्येष्ठ कलाकार आहेत. प्रत्येकजण त्याच्या अभिनयाचे आणि कामाचे कौतुक करतो. नाना पाटेकरांनी आपल्या कारकिर्दीत अनेक चांगले चित्रपट दिले आहेत. पण असे काही परफॉर्मन्स आहेत जे उत्कृष्टतेच्या पलीकडे आहेत आणि त्या चित्रपटांचे संवाद आणि गाणी आजही लोकांच्या ओठावर आहेत. ज्यामध्ये नाना पाटेकर यांना या दोन चित्रपटांनीच चित्रपटसृष्टीतील एक मोठा सुपरस्टार बनवले. ज्यामध्ये 'क्रांतिवीर' आणि 'तिरंगा' हे चित्रपट आहेत. 

नाना पाटेकर यांना इंडस्ट्रीचा एक मोठा चेहरा बनवणाऱ्या दोन चित्रपटांचे दिग्दर्शक कोण होते आणि ते आज कुठे आहेत हे तुम्हाला माहिती आहे का? ज्यांचे नाव मेहुल कुमार असे आहे.

कोण आहेत मेहुल कुमार? 

मेहुल कुमार हे इंडस्ट्रीतील मोठे दिग्दर्शक आहेत. त्यांनी त्यांच्या कारकिर्दीत अनेक चित्रपट केले आहेत. पण त्यांचे काही चित्रपट अभिनेते नाना पाटेकर यांच्यासाठी वरदान ठरले. मेहुल कुमार यांचा जन्म गुजरातमध्ये झाला. गुजराती चित्रपट करून त्यांनी आपल्या करिअरची सुरुवात केली होती. गुजराती चित्रपट केल्यानंतर त्यांनी शबाना आजमीला घेऊन 'अनोखा बंधन' हा चित्रपट बनवला. हा चित्रपट प्रेक्षकांना खूप आवडला. 2004 मध्ये मेहुल कुमार यांनी संजय कपूर आणि रवीना टंडनला घेऊन चित्रपट बनवला. 2010 मध्ये ते 'क्रांतिवीर' चित्रपटाचा सिक्वेल घेऊन आले. त्यानंतर त्यांचा एकही चित्रपट प्रदर्शित झाला नाही.  

नुकताच नाना पाटेकर यांचा 'वनवास' हा चित्रपट प्रदर्शित झाला. वयाच्या 73 व्या वर्षी देखील नाना पाटेकर हे मुख्य भूमिकेत आहेत. नाना पाटेकर यांनी 1992 मध्ये प्रदर्शित झालेल्या 'तिरंगा' या चित्रपटापासून करिअरला सुरुवात केली. या चित्रपटात राज कुमारसोबत नानांची जोडी खूप दमदार होती. आजही या जोडीचे कौतुक होते. 

नाना पाटेकर यांचे 3 सुपरहिट चित्रपट

मेहुल कुमार आणि नाना पाटेकर यांनी 1992 मध्ये 'तिरंगा' हा चित्रपट एकत्र केला होता. हा चित्रपट बॉक्स ऑफिसवर प्रचंड हिट ठरला. यानंतर दोघांनी 1994 मध्ये 'क्रांतिवीर' हा चित्रपट केला. या चित्रपटातील दोघांचा अभिनय चाहत्यांना खूप आवडला. चित्रपटातील संवाद आज देखील प्रेक्षकांच्या लक्षात आहेत. याचबरोबर 1999 मध्ये नाना पाटेकर  आणि अमिताभ बच्चन यांनी 'कोहराम' हा चित्रपट केला. हा चित्रपट प्रदर्शित होताच बॉक्स ऑफिसवर हिट ठरला. या चित्रपटात अमिताभ बच्चन मुख्य भूमिकेत असले तरी नाना पाटेकर हे देखील लीड रोलमध्ये होते. पण 'क्रांतिवीर' आणि 'तिरंगा' या चित्रपटांनी नाना पाटेकर यांनी खूप प्रसिद्धी मिळवून दिली.